كلنا سمعنا عن الخناقة الأخيرة التى حدثت بين الطلاب الكويتيين فى الإسكندرية ، والكل مستغرب ويتسائل عن سر تلك الخناقة وما كشفته التحقيقات في تلك الواقعة ؟ تابعونا من خلال هذا التقرير سنكشف العديد من المفاجآت.
فى الوقت اللى المصرى بيترحل من الكويت عشان خالف قانون وبيكون مصيره الغرامات والترحيل نهائى من الكويت، وبيطالبوا المصريين بالالتزام، يجوا هنا مصر لا بيلتزموا بقوانين،ولا بيحترموا أى تعليمات والدليل على كلامى ده الخناقة اللى حصلت بين الكويتيين فى الشارع.
والجمهور بيسأل إزاى عايزين المغتربين يلتزموا عندكوا وإنتو عندنا بتخالفوا القوانين ؟
الحقيقة اللى عملوه الطلاب ده مكانش على البال ولا الخاطر وعكس اللى بيتقال خالص،وبسبب اللى عملوه خلى فى حالة من الجدل بين المصريين هنا فى مصر وفى الكويت، والكل متفق على رأى واحد اللى غلط بتعاقب وبالقانون، ولما رجال الأمن تدخلت عشان تفض الخناقة دى ،ده معجبش السلطات الكويتية طيب كان المفروض التصرف معاهم إزاى؟ لا بجد السلطات الكويتية فى الموقف ده تتصرف إزاى؟
أكدت الخارجية الكويتية في بيان لها متابعة الواقعة اللي حدثت بين عدد من الطلبة الكويتيين الدارسين في مدينة الإسكندرية في أحد المجمعات التجارية في المدينة، وإن تم الإفراج عنهم تانى يوم .
كمان نائب وزير الخارجية السفير منصور العتيبي، تواصل مع السفير المصري فى الكويت أسامة شلتوت علشان يشوفوا الإجراءات اللى قامت لها السلطات المصرية وازاى يتم التعامل مع الطلبة بالطريقة دى ؟
الخارجية الكويتية قالت إن السفير العتيبي طالب بسرعة قيام السلطات المصرية المعنية وبما يكفل حقوق الطلبة باتخاذ الإجراءات الرسمية والقانونية والتحقيق في هذه الواقعة تجاه هذا الاعتداء ومحاسبة مرتكبيه، وكمان إتخاذ الإجراءات اللازمة والرادعة للتصرفات الفردية المرفوضة اللى مش بتعكس رمزية العلاقات الأخوية بين دولة الكويت وجمهورية مصر الشقيقة.
وده هيتم من خلال متابعة الخارجية الكويتية مع السفير الكويتى فى مصر.
طيب ليه ده كان رد فعل الخارجية الكويتية؟
الحقيقة إن لما واقعة الخناقة حصلت الشرطة جالها بلاغ من مسؤولي أحد الأحياء في الإسكندرية إن فيه مشاجرة وتبادل للضرب بين عدد من طلاب الكويت داخل واحد من المولات التجارية ، وبسرعة تحرك رجال الأمن لفض الخناقة دى .
ولكن بسبب إن الخناقة كانت كبيرة،ورجال الأمن فقدوا السيطرة عليها براحة ،إضطروا إن يكون التعامل بحزم شوية ،وحولوهم على نيابة سموحة.
السفير الكويتى في مصرقال ساعتها إن السفارة عملت تحقيقاتها وبتابع القضية ،وأكد إنه هيحضر مسؤول من الملحقية الثقافية في السفارة الكويتية والمكتب الثقافي في الإسكندرية ومحامي للسفارة التحقيقات مع الطلاب
لحظة وقوع الخناقة دى السفارة الكويتية أصدرت بيان وقالت حرصا من السفارة على الشباب دول وبعد اتصالات ليها مع جهات مصرية تم الافراج على جميع الطلاب.
الجمهور على السوشيال ميديا كان بين مؤيد ومعارض لقرار الإفراج عنهم،وقالوا إشمعنا المصريين فى الكويت لو حد صدر منه أى تصرف مخالف لقوانين البلد بيصدر قرار ضده وشوفنا كتير ترحيل وغرامات ؟ والبعض قال إنها خناقة عادية وممكن تحصل مع أى حد خاصة إنهم شباب وطلاب لسه بيدرسوا وممكن مستقبلهم يضيع كده..إنتو رأيكوا إيه فى قرار الإفراج عن الطلبة الكويتيتن أطراف الخناقة فى الإسكندرية؟
