اتتهام زوج الفنانة بوسي بسرقة طليقها السابق واقعة تتحدث عنها كل المواقع الإخبارية، تلك الواقعة التى هزت الوسط الفني كله، وهو خبر القبض على الزوج الحالي للفنانة بوسى بعد سرقته و3 معاه لشيكات من موكل طليق بوسى السابق، وكل ده بتحريض منها شخصيا.
ليه بوسى عملت كده وخلت زوجها يسرق موكل طليقها؟ وإيه موقف بوسى دلوقتى من القضية.. موجوده في مصر ولا هربانه بره؟.. كل ده وأكتر هنعرفه مع بعض فى الفيديو ده.
خلال الساعات اللى فاتت كشفت المواقع الأخبارية عن جريمة مكتملة الأركان قام هشام ربيع و هو زوج الفنانة بوسى الحالي ضد موكل طليقها السابق المنتج فطين.
في التفاصيل بيقول موقع القاهرة 24 أن الأجهزة الأمنية قبضت خلال الساعات الأولى من اليوم على هشام ربيع، زوج المطربة بوسي، لاتهامه بسرقة شيكات وإيصالات أمانة تقدر بــ 8 مليون جنيه من موكل طليقها في منطقة المقطم.
البداية جت لما تلقى قسم شرطة المقطم بلاغ موكل طليق المطربة بوسى واللى أسمه فطين ويعمل منتج فني يتهم فيه زوجها واثنين تانيين كانوا معاه بسرقة شيكات بنكية وإيصالات أمانة تقدر بأكثر من 8 مليون جنيه سبق وأن اتفق زوجها الحالى على سدادها.
وعلى حسب المواقع الأخبارية، أكد وكيل المجني عليه أنه راح إلى أحد البنوك للتقابل مع زوجها إلا أنه فوجئ بتواجد 3 تانيين معاه قاموا بالاستيلاء منه على الشيكات وجريوا هربوا بها.
بس الشرطة مسكتتش على اللى حصل، وعقب تقنين الإجراءات تمكن ضباط المباحث من ضبط المجرمين و بمواجهتهم اعترفوا بارتكاب الواقعة، وتحرر لهم محضر بالواقعة، وحاليا النيابة شغاله دلوقتى بقى على التحقيقات، واللى طلبت سرعة إجراء التحريات حول ظروف وكواليس الواقعة والانتقال للمعاينة، وسؤال الشهود، وكمان التحفظ على كاميرات المراقبة وتفريغها.
لحد هنا ويكون الكلام الرسمي في القضية واللى نقلته المواقع الأخبارية عن أجهزة الشرطة، بس لسه في الواقعة كواليس ماتمش الكشف عنها في المواقع الأخبارية، بس أتكلم عنها ناس مقربين وحسابات على السوشيال ميديا، بيقولوا أن سرقة زوج بوسى الحالي للشيكات من موكل طليقها السابق، ده كله تخطيط وتدبير من بوسى نفسها، لأنها هي اللى عليها الشيكات دى لطليقها.
لو فاكرين فا كان فيه كام حكم كده طلع على بوسى من فتره لاتهامها بتحرير شيكات بدون رصيد قيمتها 30 مليون جنيه، ودول بخصوص القضية رقم 21034 سنة 2015، والقضية رقم 20353 لنفس السنة.
ووقتها كان فيه جلسة صلح وتراضى بين بوسى وطليقها وتم فيها تقسيط قيمة الشيكات دى عشان بوسى ماتتحبسش وقتها، واحد من الشيكات دى هو اللى اتسرق النهاردة.
طيب دلوقتى كده عرفنا أن بوسى شريكه في الجريمة، فهل هي بقى هربانه دلوقتى ولا لسه فى مصر ؟ .
الحقيقة مافيش حاجة مؤكده عن هروب بوسى لحد دلوقتى، مع أن فيه أقاويل كتير أنها بالفعل هربت لما عرفت أنه تم القبض على زوجها الحالي النهاردة، بس هل ده أكيد ولا لأ، مانعرفش، وعلى العموم ياخبر النهاردة بفلوس بكرة يبقى ببلاش، نصبر كده شويه وهنعرف كل حاجه.
