اعتذرت الإعلامية ريهام سعيد عن استضافتها لمشاهير “التيك توك” في حلقات برنامجها الأسبوعي. وكتبت على صفحتها الرسمية بموقع “فيس بوك”: “أنا مكنتش بدخل على التيك توك ولا أعرف اللي بيحصل فيه.”
وأضافت: “أنا بعتذر لجمهوري إني استضفت ولو حتى واحد منهم. عتابي للإعداد هيكون شديد”.
واستطردت: “إيه الجولات والفيديوهات اللي على التيك توك اللي كلها ألفاظ قذرة وإيحاءات؟ إنتوا مش خايفين تتحبسوا؟ ليه كده؟ ليه بتخلوا شكلنا كده؟”.
واختتمت قائلة: “إنتوا 10 وإحنا 130 مليون، إحنا شعب عظيم، عيب عيب أوي كمان”.
في سياق آخر كشفت الإعلامية ريهام سعيد، عن تطورات قضيتها مع طبيب التجميل نادر صعب، كما أوضحت تفاصيل آخر لقاء بينهما.
و قالت ريهام سعيد، في تصريحات لـ «et بالعربي»: «بطل يجيلي عروض تمثيل، لأن اللي بيتقال على ريهام سعيد دلوقتي إن وشها بايظ، مبقاش عندي شغف أو طموح عشان أحقق حاجة في التمثيل، بلبس نظارة الشمس طول اليوم مش عاوزة وشي يبان».
وأضافت: «في قضية هو رفعها بتاعة لبنان، أثبت بالصوت وبالمستندات إن ملهوش أي فلوس، والقاضي طلب من الطرف التاني إثبات إن ليه فلوس، أنا متهماه بـ 7 تهم وباشكر النيابة المصرية على مجهودها في التحقيقات، فات 8 شهور وأنا منتظرة القضية تنزل جلسة، لما انشر تقرير الطب الشرعي اللي بيقول إن هو أخطأ بعدها مفيش كلام يقدر يتقال».
و تابعت: «مقدرش أطلع رسائل ما بينا تدينه للإعلام عشان مش مسموح ليا، لكن كل دا مثبوت في النيابة إن اتعملي عملية أنا مطلبتهاش، العملية كانت في الخدين مكنتش في العين، وفي رسالة بقوله إنت ليه جيت جنب عينيا قالي أنا اضطريت، وبعد العملية بقيت أشوف كل حاجة اتنين».
و اختتمت: «في آخر لقاء بينا في عيادته أنا انهرت من العياط، مفكرش يقولي استني هشوفلك حل، وعاملني بمنتهى القسوة ومراته قالت إني بعمل كده عشان أجيب مشاهدة».
