كشفت الفنانة ملك أحمد زاهر، عن سبب فشل أول تجربة حب لها في حياتها، لافتة إلى أنها كانت تجربة مليئة بالتضحية الزائدة من جانبها، متابعة: “كانت علاقة طفولية أوي”.
وأضافت ملك، خلال لقائها ببرنامج “الستات مايعرفوش يكدبوا” المُذاع عبر فضائية “سي بي سي”: “كنت شخص معطاء بشكل أوفر أوي لدرجة إني كنت بدي الشخص أكبر من حجمه، وهو كان بيقابل كل ده بأنانية كبيرة”.
وتابعت: “أنا بفضل أدي بدون مقابل ولما يكون مبسوط ده قمة سعادتي، والمقابل كان بيقولي صباح الخير الصبح دي كانت بتفرحني أوي، أوي يجيبلي وردة، حاجات عبيطة أوي كانت بتفرحني”.
كشفت الفنانه ملك أحمد زاهر عن تجاربها مع الحسد وكيف تتعامل معه وعن الأشخاص الذين تريد تجسيد السيره الذاتيه الخاصه بهم .
وقالت ملك أحمد زاهر: بخاف من الحسد جدا ودايما باخد بالي وبقول الأذكار وبقرأ قرأن وبحصن نفسي وطبعا الحسد مذكور في القرأن ” .
وأضافت ملك : ” وحتي لو بخاف من الحسد جدا بس سايباها علي ربنا وحسيت اني اتحسدت في مواقف كتير لما بحكي حاجه مبسوطة بيها اوي وبعدين تفشل وتبوظ او أدخل في حاجه ومتكملش أو أتعب مثلا واحس اني اتحسدت ” .
وأضافت: ” مبحبش اعمل سيره ذاتيه لحد بس احب اعمل ادوار جديده متعملتش قبل كدا والانسان في التمثيل بيبقي مخلوق علي الورق مش حد حقيقي” .
وعن الادوار التي تتمني تجسيدها قالت : ” بحب أشتغل كل حاجه وأجرب كل حاجه بس لازم الدور يكون كويس ومؤثر حتي لو صغير ” .
وأضافت : ” لازم يكون المخرج شاطر والمؤلف شاطر الحاجات العاديه بتبقي عوامل نجاح أي عمل تخليني أقبل أو أرفض أي عمل ودوري لازم يكون مؤثر مش مهم مساحته بس الأهم يكون مهم في الأحداث ويضيفلي زي ما انا هضيفله ” .
