خلال الساعات الماضية أثارت جورجينا رودريجز، صاحبة كريستيانو رونالدو الجدل على السوشيال ميديا، بسبب صورة لبطاقة هوية، قال فيها إن جورجينا دخلت السعودية باعتبار أنها “ملك يمين” لرونالدو باعتبار أنهم غير متجوزين.
هذه القصة أثارت حالة من الجدل الكبير، لكن هل ده حقيقي؟ وكيف سيعيشوا في السعودية رغم أنه ممنوع اأن يعيش رجل وامرأة غير متزوجين معا؟ تفاصيل كثيرة سنتعرف عليها من خلال التقرير التالي:
مفيش كلام على السوشيال ميديا كلها غير كريستيانو رونالدو وصحبته جورجينا، بعد ما مضى مع نادي النصري السعودي، وهيلعب معه خلال الفترة اللي جاية.
الجمهور أهتم إزاى هيقدر رونالدو يدخل معاه جورجينا للسعودية، وهما أصلا مش متجوزين ولا فيه أي علاقة رسمية تربطهم ببعض، واللي تخليه يقدر يدخلها معاه يعنى، خصوصا وان قوانين السعودية ليها شروطها في العيشة بين الراجل والمرأة.
وفي نفس الوقت ده ظهرت بطاقة هوية لجورجينا ونشروها على تويتر واللي كانت فيها أنها دخلت السعودية باعتبار أنها “ملك يمين” لرونالدو، يعنى اخر دلع خالص.
الغريب أن ناس كتير صدقت الصورة دى وإن جورجينا بقيت “ملك يمين” لرونالدو، بس السعودين طبعا ماعجبهمش الموضوع، واعتبروه إهانة ليهم ولعاداتهم وثقافتهم، رغم أن الهوية طلعت مزيفة وملهاش أي أساس من الصحة.
السعودين عبروا عن غضبهم على تويتر، وطالبوا بمحاكمة الشخص اللي نشر الصورة دى وفبركها، وكمان طالبوا يعرفوا إيه علاقة رونالدو بجورجينا جوه السعودية وإزاى هيعيشو مع بعض، مع أنهم مش متجوزين.
ده ياخدنا لكلام وسائل الإعلام السعودية، الى قالت ان رونالدو بالفعل بيستعد إنه يتجوز جورجينا رودريجز، خصوصا بعد ما أخد قصر كبير في مكان كويس بالرياض.
والله شكل السعودية هتبقى فاتحة خير على جورجينا، وخلاص رونالدو حايتجوزها، بعد ما جاب منها كام طفل، تخيل ياخى، جورجينا ورنالدو مخلفين 2 واحدة في 2017 أسمها ماتينا، وواحدة تانية في 2022، ورونالدو لوحده عنده 5 أطفال، كبيرهم جونيور.
خلونا نستنى شوية للفترة اللي جاية، ونشوف رونالدو فعلا حايعملها ويتجوز جورجينا زى ما الإعلام السعودي بيقول، ولا حايفضل مقضيها كدا وخلاص.
استنوا، نسيت أقولكم، جورجينا شكلها خلاص أخدت على السعودية، لدرجة إن فيه صور كتير انتشرت النهاردة على فيس بوك ليها ولأطفال رونالدو وهما بيتسوقوا في مول تجارى، شكلها كدخ بتجيب لبس الفرح ولا ايه، طبعا بنهزر ماحدش يعرف كانت بتجيب إيه.
بس اللي نعرفه أنها خلاص أخدت عينا كعرب، وحبت الجو بتاعنا، لدرجة أنها نشرت أغنية على حسابها على انستجرام، باللغة العربية للنجم الفلسطينى محمد عساف، أغنية “يلا نكمل”.
في النهاية، عايزه اعرف رأيكم رونالدو هيعملها ويتجوز جورجينا ولا لا، اكتبوا في التعليقات، كل واحد يقول هوا شايف إيه.
