متى سيكون كسوف الشمس؟ وسيبدأ في أي الساعة؟ ومتى ينتهي؟ ولماذا حذر المعهد القومي للبحوث الفلكية الناس من النظر لأشعة الشمس؟ وبطريقة بسيطة يمكنك رؤية كسوف الشمس، في هذا التقرير سنجيب على كل هذه الاسئلة ونكشف المزيد من المعلومات.
كسوف الشمس ظاهرة فلكية حديث الساعة على كل صفحات السوشيال ميديا خلال الساعات إللي فاتت، والكل بيسأل عن كسوف الشمس إللي هيكون بكرة الثلاثاء وهيكون كسوف جزئي للشمس مش كلي، والكسوف ده بيجي بالتزامن مع نهاية شهر ربيع الأول واقتراب شهر ربيع الأخر.
بس المعهد القومي للبحوث الفلكية كشف عن كل التفاصيل إللي بيدور عليها الناس خلال الساعات إللي فاتت، يعني مثلاً كسوف الشمس هبيدأ من الساعة 10 و58 دقيقة و10 ثواني تقريبًا وهينتهي الكسوف الساعة 3 ودقيقتين و8 ثواني، يعني الكسوف الشمس هيستمر لمدة 4 ساعات و4 دقايق تقريبًأ.
كمان قال المعهد القومي إن الكسوف هيكون شبه ظلي يعني صعب إنه تشوفه بالعين المجردة، كمان ممكن تشوف الكسوف الجزئي في أوروبا وجزر الأورال وغرب سيبيريا والشرق الأوسط وغرب آسيا ومن شمال شرق إفريقيا، وكمان هيسجل المرحلة القصوى من الكسوف الجزئي في سهل غرب سيبيريا في روسيا بالقرب من نيجنفارتوفسك كمان هيغطي قرص القمر حوالي 86% من قرص الشمس.
أما بقى في القاهرة، المعهد القومي قالت إن مرحلة الكسوف الجزئي هتكون في الساعة 12 الضهر تقريبًا، وتكون شدة الكسوف في القاهرة في الساعة واحدة و9 دقايق الظهر.
وكمان المعهد القومى للبحوث الفلكية، حذر كل الناس من كسوف الشمس إللي هيكون بكرة الثلاثاء، وكمان حذر المعهد من النظر لكسوف الشمس وقالت إن ممكن إن أشعة الشمس الضارة هتأثر على عين وهتأدي إلي تلفها.
أما بقى المعهد القومي للبحوث الفلكية والجيوفيزيقية، دعا الناس لمشاهدة ظاهرة الكسوف الجزئي للشمس بكرة الثلاثاء، في مرصد حلوان، وأكد المعهد كمان على أنه هيكون مفتوح لكل الناس بالمجان، وكمان هيوفر أجهزة رصد متخصصة ونظارات للكسوف.
وقال كمان المعهد إن مرصد حلوان هي مفتوح للناس كلها علشان يشوفوا الظاهرة دي، وكمان هيكون في فريق بحثي معه أجهزة رصد متطورة لمتابعة الكسوف وكمان أجهزة مخصصة للجمهور فيها مرشحات ضوئية.
مش كده وبس المعهد كمان هينظم محاضرات علمية تثقيفية علشان الظاهرة الفلكية، هيكون فيها نخبة من كوادر المعهد وكمان هيكون في فعالية لرصد كسوف الشمس باستخدام التليسكوب الشمسي وندوة عامة بمقر المعهد بحلوان.
وكمان المعهد هينظم فاعليات تانية في مرصـد القطامية الفلكي وفي المركز الإقليمي للمعهد بمدينه الخارجة بالوادي الجديد، وفي المركز الاقليمي للزلازل باسـوان، وكما المعهد هينقل الظاهرة دي على الهواء مباشرة من مركز الرصـد عن طريق الشبكة الدولية للمعلومات وعلى موقع المعهد الرسمي وصفحات التواصل الاجتماعي الخاصة المعهد.
علشان كده لازم نقول كل الناس لازم تخلي بالها من كسوف الشمس علشان ميأثرش على عنيها، وكمان في الفيديو عرفنا ميعاده أمته وهينتهي أمته، وفي النهاية انتظرونا في فيديو جديد مع حكاية جديدة.
