من الواضح ان ازمه العماله المصريه في الكويت مازال بها كواليس كثيرة، ومجلس الأمة الكويتي صدر عنه تصريح جديد يهم كل المصريين في الكويت فما1ا قال وما الجديد؟ هذا ما سنتع رف عليه من خلال التقرير التالي:
تصريح جديد لأمين سر مجلس الأمة الكويتي النائب أسامة الشاهين، قال فيه ان في حاجتين جوة الكويت خط أحمر ممنوع اي حد يعديه والحكومة خدتهم شعار ليها، الأول هو ضبط المال العام اما التاني فهو إصلاح التركيبة السكانية.
وده ياخدنا لكلامه عن العمالة الوافدة للكويت وفي القلب منها العمالة المصرية، لأن أمين سر مجلس الأمة الكويتي طالب بعدم التهاون والعودة إلى العادات السيئة السابقة، في إعادة استقبال العمالة الوافدة سواء من مصر، أو من دول تانية”.
عشان كده، المجلس يوميا هيراقب الحكومة عشان يتأكد من أداء الحكومة وهل بتنفذ الشعارات دي ولا لأ.طيب هل دي اول خطوة من الكويت بخصوص العمالة الوافدة؟للأسف الإجابة لا، فمن مدة وقفت الكويت استقدام لاكتر من سبب حسب الصحف الكويتية.
زي مخالفة السفارة المصرية القوانين الكويتية المنظمة لسوق العمل، والحاجة لوضع آلية جديدة عشان يمنعوا دخول أي عمالة زايدة عن حاجة البلد.
ومن قبلها أعلنت الكويت عن خطة لتكويت الوظايف والخطة دي مستمرة لغاية أول يوليو 2023.وده معناه ان في وظايف هتبقى من حق الكويتين بس وممنوع على اي جنسية تانية يشتغلوها.
وطبعا في الحالة دي العمالة الأجنبية هتتأثر خصوصا في وظائف مجموعات نظم وتقنية المعلومات، والتطوير والمتابعة والإدارية والإحصاء، وظائف الدعم الإداري، والآداب والإعلام والفنون والعلاقات العامة، والوظائف البحرية والقطاع النفطي.
بس وزارة القوى العمالة في مصر طمنت المغتربين وقالت إن اللي هيتأثر بالقرار العاملين بوزارة الدولة للشؤون البلدية والإدارات التابعة ليها فقط لاغير
وحاليا في حوالي 500 ألف مصري في الكويت، منهم 31 ألف مصري شغالين في القطاع الحكومي، منهم حوالي ألف بس في وزارة البلدية، وكمان مش كلهم هيتأثروا بالقرارات الجديدة، لأن خطة التكويت هتطبق على اللي شغالين في وظائف إدارية بس.
ده غير إن كتير من المصريين العاملين اللي سبق إنهاء خدماتهم بقرارات التكويت السابقة تم إعادة تعيينهم على عقود الاستعانة بجهات كويتية تانية .
وفي نهاية كلامها أكدت الوزارة انها هتتدخل لحماية أي عامل مصري تم إنهاء وظيفته، للحصول على كافة مستحقاته بالطرق القانونية.
فلو انت شغال في الكويت او لك احد من قرايبك او ما عارفك شغال هناك يا ريت تشاركونا في التعليقات وقولوا لنا:
هل سمعتوا عن عقود جديده دخلت الكويت الفتره الاخيره؟ طيب في ناس اترحلت فعلا بسبب خطه التكويت؟ واخبار المرتبات هناك ايه بعد ما الدينار عدى 100 جنيه؟
