حالة من الحزن خيمت على مواقع التواصل الاجتماعي، الساعات الماضية، بعد تداول مقطع فيديو مؤثر لأم فلطسينية تبحث عن ابنها داخل المستشفى.
وظهرت الأم في الفيديو تقول: اسمه يوسف، عمره 7 سنين.. شعره كيرلي وأبيضاني وحلو»، الأمر الذي لاقى تفاعل كبير من جانب الجمهور.
والدة الطفل يوسف تكشف آخر طلب له قبل استشهاده.. مفاجأة
وكشفت الأم الفلسطينية «روان»، عن اللحظات الأخيرة لنجلها يوسف قبل استشهاده في قصف إسرائيلي.
وقالت روان: «كان قلبي بيقولي ده استشهد بس كان نفسي إحساسي يكون غلط».
وأضافت: «حضنا كلنا أنا واخواته التلاتة، وطلب مني أكل قلتله على الضهر، ومكملناش 10 دقايق والبيت اتقصف».
وأكملت: «خرجت من تحت الركام بدور على ولادي، جبتهم من تحت التراب والدمار، بنتي عرفتها من دراعها، بقيت ادور عليهم ولاقيتهم إلا يوسف، وقتها قلبي مبقاش مطمن».
واختتمت: «لما اتأكدت انه مات انهرت، أخوه مش مصدق بيضربني يقولي عاوز أخويا يوسف، ابني مات ليه، وبأي ذنب مات».
فيما كشف الطبيب محمد حميد أبو موسى، والد يوسف، عن اللحظات الأخيرة قبل وفاته.
وقال والد يوسف: «يوسف كان أكتر واحد بيحزن لما بطلع من البيت، أكتر شيء قاسي عليه كنت لما أبات في المستشفى، وكان لما يعرف إني مداوم يفضل يسألني هتروح إمتى بابا”.
وتابع: “قبل ما يموت طلب نعمل حضن عائلي كان حنون بيحب نحس أننا جمبه، رحمة الله راح غدر الاحتلال حسبنا الله ونعم الوكيل».
وأضاف: «أولادي كلهم اتصابوا جوري وحميد ويوسف استشهد، سألت حد من اللي كانوا مع الإسعاف والسيارات اللي جابت الإصابات، فين يوسف بص لي ولف وجهه، ساعتها قلبي وقع، وارتبكت وصرت مش عارف اعمل شيء، جريت من مكان لمكان لقيته مات».
اقرأ ايضا:
