وزارة الهجرة تزف بشرى سارة للمصريين العاملين بالسعودية

بشرى جديدة نشرتها الحكومة لكل المصريين العاملين في السعودية والتى ستضمن حل كل مشاكلهم الفترة القادمة، وهذا بعد الاتفاقية التي قامت بها وزارة الهجرة مع السلطات في المملكة العربية السعودي لحل مشاكل المصريين بالخارج. لكن ما هي هذه الاتفاقية؟ وكسف ستفيد المصريين بالسعودية؟ تفاصيل كثيرة سنتعرف عليها من خلال هذا التقرير..

في خبر جديد كشفت وزارة الهجرة المصرية عن نتائج قوية جدا نجحت وزيرة الهجرة وشؤون المصريين بالخارج السفيرة سها جندي في تحقيقها من خلال زيارتها للمملكة العربية السعودية في أولى جولاتها الخارجية وده بعد لقاء أكبر جالية مصرية بالخارج واللي بتكون في السعودية والوقوف على مشاكل المصريين في السعودية وإيه أبرز الأزمات اللي بتواجههم.

وزيرة الهجرة اتفقت خلال الزيارة على تشكيل لجنة عمل مشتركة بين وزارة الهجرة وشؤون المصريين بالخارج وبين ووزارة الموارد البشرية والتنمية الاجتماعية السعودية اللجنة دي اللي هيكون مشترك فيها برضو السفارتين والمكتب العمالي بالبلدين.. كل ده عشان يكون في آلية يتم وضعها للتواصل المباشر وحل أي مشكلة بتواجه الجالية المصرية في السعودية مش بس كده وكمان بتواجه الجالية السعودية في مصر.

اللجنة دي هتكون وظيفتها أنها تحل كل المشاكل اللي يقع فيها المصريين في السعودية وده طبعا من خلال التنسيق المباشر مع الجهات في المملكة بشكل مباشر، يعني مش هيكون في حد يقدر يجي عليك تاني هناك لأن أي مشكلة هتكون الحكومة طرف فيها.

وزارة الهجرة قالت في بيان لها إن الاتفاق على التعاون بين الجهات المختصة من الجانبين المصري والسعودي شمل كمان أنها هتتدخل وتكون الحكومة طرف في حال إيقاف أي من المواطنين المصريين وخضوعهم للتحقيق في المملكة.

أما بالنسبة للوظائف والعمل في السعودية، فكمان وزيرة الهجرة اتفقت مع السلطات السعودية على إنشاء المركز المصري السعودي لتدريب وتأهيل العمالة، زي كده المركز المصري الألماني للتوظيف والهجرة وإعادة الإدماج والي هيساعد المصريين هناك على تطويرهم وأنهم يكونوا متميزين في سوق العملة.

كمان المركز هيدي دورات للمصريين في السعودية عشان يعرفهم بالخدمات التأمينية والمحفزات المقدمة للمصريين بالسعودية وده هيكون بالتعاون مع وزارات ومؤسسات الدولة المصرية.. مش بس كده لكن كمان هيكون في تنسيق عشان الحكومة في مصر تعرف احتياجات سوق العمل السعودي وبالتالي تمده بالعمالة بعد تدريبها بشكل جيد وده هيكون في تعاون كبير بين السفارة والقنصليات المصرية بالسعودية وبالتعاون مع وزارات الداخلية والخارجية والدفاع لسد الحاجة للعمالة في المملكة من خلال المصريين في المملكة.

الاتفاقية ضمت كمان أنه هيكون في المركز إمكانية استخراج بطاقات الرقم القومي وجوازات السفر للمصريين في السعودية بكل سهولة وبدون الحاجة إلى السفارة أو الإجراءات الطويلة.. مش بس كده لكنها اتفقت على قرار هام جدا وهو المساواة في المعاملة بين المواطنين المصريين والسعوديين الموقوفين على ذمة قضايا مالية.. وكمان السماح لهم بالسفر دون مانع قانوني، وده بموجب قرار مجلس الوزراء السعودي رقم 295 الصادر لتعديل المادة السادسة والأربعين المتعلقة بأحكام الديون.. بمعنى أن لو عليك ديون أو معاك مشكلة مالية هتقدر تسافر لمصر عادي.. مش بس كده لكن كمان الحكومة هتكون طرف معاك تضمن لك المعاملة اللي هتكون كلها مساوة عشان محدش يجي عليك في أي معاملة.