حالة من الحزن خيمت على مواقع التواصل الاجتماعي، بعد تعرض البلوجر سارة لفقدان البصر وبعض إصابات في المخ في حادث إطلاق نار من قِبل بلطجية أثناء عودتها إلي المنزل برفقة خطيبها.
من جانبه، كشف مصطفى خطيب البلوجر سارة محمد، تفاصيل جديدة عن الحادث، قائلا انه هجم عليهما مسلحين وأطلقوا عليهما أعيرة نارية.
«وشها كان قدام البندقية».. خطيب البلوجر سارة يفجر مفاجآت جديدة عن الحادث
وأضاف، أنه فوجئ بشخص يحمل بندقية، وقام باطلاق الرصاص، وكان وجه سارة أمام البندقية بشكل مباشر.
وأكمل: “قمت بالتحرك على أقرب بنزينة واستنجدت بالناس وجالي أخويا وأصحابي وتم نقلنا على مستشفى العامرية، وركبت معاها عربية الأسعاف ومسكت أيديها وقلتاها أنى مش هسيبك وقالتي أنها بتحبني وعمرها ما حبت حد غيري“.
فيما كشف مصطفى مفاجأة جديدة قائلًا: “إحنا كنا سايبين بعض ولسة راجعين لبعض قبل الحادثة ومرجعناش بشكل رسمي إحنا كنا بنتكلم من غير ما يبقى فيه خطوبة وأهلها عارفين وسارة كانت معايا كل يوم بشوفها وبنتقابل واحنا أصلا جيران والبلكونة جنب البلكونة“.
وفي وقت سابق، قال مصطفى، خطيب سارة في مداخلة هاتفيه مع الإعلامية ريهام سعيد، قائلا: «أنا بوجه كلامي دا لكل الناس ولسارة، أنا بحبها وسألت عليها من أول يوم الحادثة وكنت معاها وروحت معاها البيت، كنت بروحلها المستشفى وأسال عنها بس أهلها رافضين».
وتابع: «أنا من وقت الحادثة في المباحث ومشغول، وأنا طلعت البيت أكتر من مرة بس أهلها رفضوا الزيارة وكل يوم بكلم والدها، وإحنا هنكمل الخطوبة عادي وهنجيب الدبل، بس مش وقته إننا نكتب كتاب، وأهم حاجة اطمن على سارة والفرح خلال 6 شهور».
.
