.مطلعش حشرة ومخيف وله أضرار، فهو يعتبر فياجرا طبيعية ، ويأكلونه عادي، كصنف من المقبلات في السعودية، ونحن كنا نتخيله حشرة ومخيفة، نتحدث عن الجراد.
إتخصينا لما الجراد إنتشر الفترة الاخيرة وبقى مغطى كل الناس وهم بيتفرجوا على مباراة النصر السعودى ،وقولنا ده غزو وأيه اللى بيحصل ” سلم يارب ”
مكناش نعرف إن فى علاقة حب كبيرة بين الجراد والسعوديين بالشكل ده ..دول يا أخى يستنوا الجراد من السنة للسنة ،وزى ما للخضار والفاكهة مواسم ..الجراد كمان له موسم ..الأيام دى وقت الربيع !
وتشوفهم وهم بيتلذذوا فيه وهيموتوا عليه مش هتصدق إنهم دول سعوديين! ياترى بياكلوه إزاى؟وبيجبوه ويجمعوه منين؟وهل فعلا له فوايد زى ما بيقولوا؟ليه فى تحذيرات من جمعه وأكله فى مكة والمدينة؟ والغريب سعره مفاجأة
فى لعنة وصابت الأزواق كلها فى الأكل الفترة الأخيرة ..هنا فى مصر طلع نوعية لحوم غريبة اللى يقولك حمير واللى يقولك أحصنة ،ودى الحقيقة جديدة علينا لا عمرنا فى مصر كلنا حمير ولا هناكل “على إفتراض يعنى إننا منعرفش طعمها إن شاء الله منكونش أكلناها يعنى”
لكن الغريب بردوا بالنسبة لنا إن فى السعودية ياكلوا جراد..الحقيقة إنها مش غريبة عليهم ده ما بيصدقوا يلاقوه،ومتعودين دايما فى وقت معين ينزلوا ويجمعوا الجراد ويعلموا حفلة باربكيو وبألف هنا ..حتى بياكلوه ناى علشان فوايده متقلش مع الشوى ..
الناس الطبيعية تشوى لحمة وفراخ ..وفى السعودية بيشووا جراد!وكمان بيطبخ ..بس أهم حاجة طبعا يتنضف كويس ويتحط فى مية بتغلى ويتملح ويتبهر وبألف هنا وشفا ..
أكل الجراد فى السعودية عادة قديمة جدا،وبدل ما ياكل رزقهم أكلوه ،زى ما بيتقال كده إتغدوا به قبل ما يتعشى برزقهم فى المحاصيل الزراعية ..وفى إعتقادهم إنها فيها فوايد كتير زى إنها مقويات ومنشطات طبيعية وقالوا إنها شبة الفياجرا كده فى تأثيرها .وبيعالج ألالام الضهر والروماتيزم،وبيدى طاقة ونشاط لإنه بيتغذى على الأشجار ..حاجة كدة يعنى من خير الطبيعة
الأيام دى بيخرج الناس وخاصة بليل لإن بيطون الجو برد والجراد مش بيكون قادر على الطيران ،لكن بالنهار بيكون صعب صيده، ويجمعوا الجراد مع على الأشجار..لدرجة إن الكيس من الجراد بيوصل سعره ل1000 ريال سعودى ،وطبعا السعر حسب الشكل والحجم والكمية .. وقبل ما تدفع بتدوق يعنى بمبدأ خد فكرة وإشترى بكرة ميجراش حاجة!
الأغرب بقى تحذيرات المركز الوطني للوقاية من الآفات النباتية والأمراض الحيوانية “وقاء” حذر المواطنين السعوديين من جمع الجراد وأكله وخاصة فى مكة المكرمة والمدينة المنورة لحد يوم 15 أبريل ، بسبب المبيدات الحشرية الضارة، اللى بتتحط فى أماكن تجمع أسراب الجراد علشان يحافظوا على المحاصيل الزراعية.
و طالب وقاء السكان بضرورة مكافحة الجراد الصحراوي، ويكونوا حذريين من المبيدات والابتعاد عن مواقع المكافحة،ولو حبوا يجمعوا الجراد يبعدوا عن الجراد المرشوش بالمبيدات ،لإن ممكن يكون متبقى مبيد على جسم الحشرة..
فممكن اللى يفارق الحياة مس بسبب الجراد لا ..هيكون بسبب المبيدات اللى الجراد مرشوش فيها ..الجراد برئ من كل ده!
اخواتنا فى السعودية ..الجراد طلع طعمه إيه لو جربته وكان مشوى ولا مطبوخ؟..ممكن تحبه جايز!،اللى خلاك تحب أكلهم كله مجاتش على الجراد يعنى ..متستغربش!
