في 2023 في مفاجأة تنتظر الأشخاص المتعاقدين بقانون الإيجار القديم، وهذا بعد ما تم الإعلان عن تطبيق زيادة بقيمة 15% من القيمة الإيجارية التي يدفعها المستأجر.
طب يا ترى إيه هي قيمة الزيادة اللي مستنية المستأجرين السنة دي وهل كل الفئات هيتطبق عليها الزيادة ؟ .. وإيه عقوبة أي حد هيمتنع عن الدفع، تعالو نعرف في حلقتنا النهاردة:
لازم تعرف إن في تعديلات المفترض هتطبق بالفعل قريب جدا على قانون الإيجار القديم وهتكون خاصة بمستأجرين المحلات ، والتعديلات دي هتكون في صالح الملاك واللي هتضمن ليهمزيادة بقيمة 15 % وده لمدة 4 سنين من تاريخ إصدار القانون، ده غير إنه هيتم تفعيل مادة الإخلاء بمعنى إن أي مستأجر من المعنين بتطبيق الزيادة لو أخذ محل ومش بستخدمه وفات عليه 5 سنين هيقدر المالك ياخد المحل منه وينهي التعاقد فورًا.
طيب انهى محلات اللي هيطبق عليها الزيادة؟
طبعا مع قرب معاد تطبيق زيادة نسبة الإيجار بـ قانون الإيجار القديم على الأشخاص الاعتبارية، بدأت الناس تتلخبط ويسألوا ياتري المحلات التجارية ومحلات الورش والمهن هتطبق عليها الزيادة الجديدة في قانون الإيجار القديم وهينتهي العقد في المدة المحددة ولا لا؟
لكن اطمن قانون الإيجار القديم حسم الأمر، وكانت مواده صريحة وواضحة بخصوص الحالات اللي سيطبق عليها تعديلات القانون، واللي نصت صراحة على أنها تشمل الشخصيات الاعتبارية فقط.
والشخصيات الاعتبارية المقصودة بـ قانون الإيجار القديم واللي سيطبق عليها التعديلات الجديدة المتمثلة في زيادة القيمة الإيجارية 15%، وإنهاء عقد الإيجار القديم بعد 5 سنوات من تطبيق القانون، بتشمل الحكومة والشركات والأحزاب والجمعيات والهيئات والوزارات والسفارات وأي شيء غير آدمي، وطبعًا مش بيدخل ضمنها الشقق المؤجرة للأشخاص الطبيعية لغرض السكن.
بمعني إنه مش هتُطبق تعديلات قانون الإيجار القديم على الأشخاص الطبيعية حتى لو عندهم محلات بيستخدموها في أغراض غير سكنية، زي المحلات اللي تمارس مهن أو حرف أو صناعة.
وبكده اطمنوا يا مصريين التعديلات الجديدة على قانون الإيجار القديم مش هتطبق على المحلات التجارية أو محلات المهن والحرف الصناعية، وبكده يبقي الحال كما هو عليه، بالنسبة للمحلات دي لحد ما تصدر تصدر تعديلات جديدة على قانون الإيجار القديم، وتكون متضمنة المحلات أو الوحدات المستخدمة لغرض السكن.
طب والمحلات اللي هيطبق عليها الزيادة المفترض في حالة الإخلاء تخلي أمتي؟ بالنسبة للحالات اللي يطبق عليها تعديلات قانون الإيجار القديم، فهيتم تطبيق الإخلاء في تاني يوم من انتهاء مهلة الخمس سنين المقررة بالقانون كفترة انتقالية لإنهاء العلاقة بين المالك والمستأجر، وفي حال الامتناع يتم اتخاذ الإجراءات القضائية والقانونية ضد المستأجر.
قولنا رأيك في تعديلات قانون الإيجار القديم وهل لو اتطبقت الزيادة على المحلات التجارية والشقق السكنية هيكون كويس؟
