قالت الفنانة نشوى مصطفى إنها خرجت للعمل قبل انتهاء شهور العدة، إذ توفي زوجها يوم 28 ديسمبر الماضي، موضحة أنها سألت مشايخ عن حكم ذلك، وقالوا لها إنه ليس حراما لأنها ليست صاحبة العمل، كما أنها لم تخرج للتنزه أو التسوق أو الزيارات العائلية، وغيرها من الأمور التي تستوجب انتهاء العدة.
نشوى مصطفى تتحدث عن نزولها للعمل
وقالت نشوى مصطفى، خلال برنامجها «بنات البلد»، المعروض على قناة «cbc سفرة»: «أنا عايز أقول أنا سألت الأفاضل أصحاب العلم في فكرة إني أنزل أشتغل، لأني مرتبطة بتعاقدات وحاجات تانية شخصية، ما ينفعش أتسول أو أستلف، والحمد لله مستورة جدا».
وتابعت نشوى مصطفى: «بس أنا مرتبطة بمصالح ناس ما ينفعش أضر فيها، فقيل لي من أصحاب العلم، إن الخروج للعمل مش حرام والخروج للطبيب لأني أنا مريضة قلب وكنت من 3 أشهر مركبة 3 دعامات فلازم بشكل دوري أنزل للدكتور كل شهر عشان أتابع حالة القلب، عشان كفاءة قلبي أقل من الطبيعي».
نشوى مصطفى تكشف سبب نزولها للعمل
وأضافت: «فالشيوخ الأفاضل قالوا ليا إن النزول للعمل طالما أنتي مش صاحبة العمل ومتعاقدة مع ناس، لكن الخروج للتسوق أو الزيارات العائلية أو الخروج هو ده اللي بيحتاج انتهاء فترة العدة».
