هل الزلزال في سوريا وتركيا غضب من الله؟.. سؤال ورد إلى الداعية مصطفى حسني أثار حيرة الكثير من الأشخاص، خاصة بعد تكرارها بشكل كثير الأيام الأخيرة.
من جانبه، رد مصطفى حسني في مقطع فيديو قائلا: “الحقيقة أن لو كان ربنا علمنا في القرآن أو في السنة إن إحنا نجزم أن الزلازل والبراكين والمجاعات والطاعون غضبًا منه كنا قولنا كدا”.
«هل الزلازل غضب من ربنا؟».. مصطفى حسني يفجر مفاجأة
وأضاف: “لكن اللي بيجزم ويقول قولًا واحدًا إن الزلازل دي غضبًا من ربنا بيعمل مشكلة كبيرة جدًا في عقيدة المسلمين، لأن المسلمين الموحدين يعرفوا أن ربنا رحيم ومع رحمته عادل.
وتابع: “فيجي يقول شخص طيب زلزال موت عشرات الآلاف من الناس الغلابة في سوريا اللي أصلًا عندهم صعوبات بقالهم سنين طويلة وحرب، طيب ما كان يوقع العمارات على الكفار والملحدين وعباد البقر.. ليه ربنا يصب غضبه على أمته؟”.
وأكمل: “كل ده بسبب أن الأصل اللي بنينا عليه كل الحكم ده باطل، أني جزمت وحكمت على الله أن الزلازل غضب من ربنا سبحانه تعالى”.
وأردف مصطفى حسني: “الناس اللي ماتت في الزلزال دول شهداء، قال الرسول صل الله عليه وسلم (وصاحب الهدم شهيد)، فالآلاف اللي ماتوا دول شهداء، يعني ربنا يبقى غضبان على واحد يصطفيه شهيد؟”.
واختتم: “ربنا بيعمل الزلزال لحكمة هو وحدة أعلم بيها، فواحد يشوف الزلزال يتوب لربنا، وواحد تاني يقول: قدر ربنا.. يا رب إحنا مِسلمين أنت الحكيم الرحيم، وواحد يطلع عشرات ومئات وملايين عشان يساعد أخواته المكوبين”.
