كل يوم والثانى إختراعات تحدث فى العالم ، ولكن ل منتخيل يوم أن نجد سيارة طائرة، فهذه الفكرة كنا نتداولها فقط في سخريتنا من شخص زائد السرعة أو فكرة كنت نتمناها للهروب من الزحمة ولكن المفاجأة هو وجود سيارة طائرة بالفعل وبمواصفات قياسية، أن كنت تريد معرفة المزيد عنها فتابعنا في التقرير التالي:
لما تكون سايق العربية وحد تانى جنبك فيزنق عليك بتقوله إيه؟ هروح فين يعنى أطير ما الطريق زحمة قدامك أهو ، طيب فاكرين إفيه حمو بيكا هنطيروا ولا إيه ؟،الحقيقة إننا هنطيرو فعلا. هنسأل بقى ونقول يعنى فى الجو ولا فى الأرض ؟ عربية هطير ؟ولا طيارة هتمشى على الأرض.
الحقيقة إن العالم كله فى مجموعة شركات كل شغلها فى العربيات الطايرة دى وكل فترة يحصل تطوير فيها، وبين يوم وليلة تلافى أشكال وألوان وموديلات كتير والمفاجأة أنها عربيات هطير فى السما . الشركات دى بتقول عربيات طايرة ،ولكن مشكلتهم إنها مش شبه العربيات أوى مديه على طيارات أكتر .
من العربيات دى فى نوع إسمه السيارة ألف طائرة ،بيطلق عليها إسم “الطراز أ” واللى صممها واحد إسمه “هيراش زراغى” اللى شغال فى التصميم الخارجى والداخلى لماركات سيارات زى بوجاتى وجاكوار .
مواصفات سيارة الألف طائرة؟
سيبك بقى من فابريكا برة وجوة ، مانيوال ولا إتوماتيك، ماشية كام كيلو، لونها ،دة بتاعتنا إحنا فى عربياتنا إحنا، لكن سيارة الألف طائرة دى لعشاق التميز والفخامة فيها مواصفات بعيدة كل البعد عن مواصفاتنا للعربيات.
بص يا سيدى “طراز أ ” ده فيه تصميم لمقصورة دوارة محور، ونظام دفع كهربائى موزع ،ونظام تثبيت علوى ، وحساسات علشان تتجنب كل العوائق ، ده غير مظلة باليستية كاملة للمركبة.،سيارة الألف طائرة دى مفيهاش 8مرواح زى كتير من النماذج المشابهة ، المراوح دى بتكون مخفية ، وده لزيادة الأمان ،وفى نفس الوقت حجمها يبقى صغير وتوفر مساحة ،وكمان تكون أقل فى الإزعاج.
وعلى الرغم من إن سيارة الطراز أ مصممة علشان تكون مركبة قانونية على الطرق إلا أنها مصممة كمركبة منخفضة السرعة بالنسبة لقوانين السرعة فى أمريكا .
ولكن لو إنت سايقها وعايز تكون سرعة العربية أسرع ، فى الحالة دى هتطلع بها بشكل عمودى كإنها طيارة خلاص مبقتش عربية.
طيب الفئات بتاعتها إيه ؟ فئة أولى ، تانية كده يعنى ، لا بقولك إيه إنسي الفيرنا بتاعتك دى دلوقتى خالص .الحقيقة موجود منها نماذح زى نموذج إيه عبارة عن عربية صغيرة على قد شخص أو إتنين مش عائلية خالص ، ولكن الشركة المصصمة لها بتقول إن فى أشكال تانية لعدد أفراد أكتر هتنزل السوق على 2035 إبدأ حوش من دلوقتى بقى، ودى هتكون سيدان مناسبة ل4 أفراد.
الطراز أ ده لو هتسوقه كعربية فهو بيمشى 321كم ، ولو فى وضع طيرات هتكون 177كم .عارفة أنكو مستنين السعر صح ؟على نار ،هتدفع مستعجل ولا عادى ؟
بص يا سيدى شركة ألف للملاحة الجوية فى كاليفورنيا قال إنت لو إنت مستعجل تدفع 1500 دولار ، ولو هتحجز وتستلم بعدين هتدفع 150دولار، وإن تكلفة مركبة ألف الشخصية للمستقبل حوالى 300ألف دولار ، وعلى سنة 2025 هيبدأوا يسلموا كل اللى هيحجزها.
شاركونا فى التعليقات هل هيجى اليوم اللى نلاقى نفسنا بنركب العربيات الطايرة دى فى مصر ؟ وأهو نحل أزمة مرور بنعانى منها من سنين؟
