من لديه أبناء لا يزيد عمرهم عن 4 سنوات لديهم فرصة أخيرة من أجل إضافتهم على بطاقة التمويل والاستفادة من الدعم من خلال زيارة إلى مكتب التموين، وفيما يلي سنوضح الوراق المطلوبة واهم التفاصيل فتابعونا:
اسئلة كتير عن اضافة المواليد على بطاقة التموين، وكل يوم الوزارة بتطلع بطمن المواطنين، ان خلاص القرار بقى رسمي، ومن حقك تروح تقدم طلبك في مكتب التموين.
بس دلوقتي الخدمة متوفر لفئات محدودة، اللي هما الاكثر احتياجًا للدعم، والوزارة اهتمت ان يبقى الافراد اللي كارت الخدمات المتكاملة، يبقوا من اول الفئات المستحقين، ومعاهم اللي بياخدوا معاش تكافل وكرامة، ومعاش التضامن الاجتماعي.
وكمان متوفرة لابناء الشهداء وزوجته، وابناء الاسر البديلة.ومعاهم كمان ابناء العمالة الغير منتظمة، وأصحاب العجز الجزئي أو الكلي.
والدولة منسيتش مواليد الافراد اللي بياخدوا معاش أقل من 2500 جنيه، أو اللي بياخدوا دخل شهري أقل من 3 الاف جنيه، وكمان ابناء المرأة المعيلة والارملة.
لكن شرط حتى لو انت الفئات دي إن الابناء اللي عايز تضيفهم على البطاقة ميقلش سنهم عن 4 سنين، وان عدد الافراد على البطاقة ميزيدش عن 4 افراد بالزوج والزوجة.
ووزارة التموين كمان أكدت انها هتنزل 50 جنيه دعم سلعي ونقدي، للفئات اللي ليهم خدمة اضافة المواليد على البطاقة، لكن خلي بالك متسمعش لاي حد يقولك انكممكن تقدم من النت من على موقع مصر الرقمية، او موقع دعم مصر
الوزارة نفت كل الكلام ده وقالت ان الوحيد اللي تقدر تقدم فيه طلبك لاضافة المواليد، هو مكاتب التموين، لكن مفيش أي خطوة الكترونية، انت بتروح للمكتب ومعاك صورة بطاقتك الشخصية، وبطاقة التموين.
ومعاك الرقم القومي لابنك اللي عايز تضيفه،وكمان اللي بثبت انك من الفئات المستحقة، زي شهادة وفاة الزوج للارملة مثلا، وهكذا مع باقي الفئات.
وبس كدا مكتب التموين هيستلم منك الطلب وهيبعته للمديرية وهناك هيراجعوا الطلب وهيبلغوك بقبول الطلب او رفضه
وده لان الوزارة سمحت بـ 21 يوم لاضافة المواليد بعد استيفاء الاوراق المطلوبة.
بس مش معنى انك قدمت الطلب يبقى كدا خلاص اتضافوا، بس متقلقش طلاما الشروط متحققة يبقى الاكيد هيوافقوا على طلبك.
ومعلومة ليك بقى طلاما عندك بطاقة تموين وبتستفيد منها، انهاردة وزير التموين حدد السعر النهائي للرز في المنافذ التموينية، ووصل لـ 10.50 جنيه، لكن برا التموين بقى في المنافذ الاستهلاكية والمحلات ومنفذ وزارة الزراعة السعر بيتراوح بين 12 لـ 15 جنيه
وده عشان تبقى عارف الاسعار كام بالظبط، عشان التاجر ميستغلش ارتفاع الاسعار، ويزود عليك، لكن خلاص الوزارة قالت اسعار السلع هتستقر ومش هتزيد عن اسعارها دلوقتي.
وأخيرًا لو لقيت اي تاجر بيعلي عليك في السعر، من حقك وبسرعة تقدم شكوى لجهازحماية المستهلك، وهما هياخدوا اللازم.
