هيا جهز أوراقك وقدم على التصالح، هذا هو شعار الحكومة الآن من بعد ما حددت ميعاد التقديم على التصالح وصدور اللائحة التنفيذية، لكن متى يمكنك أن تتصالح؟ وما هي التيسيرات التي تقدمها الحكومة في القانون الجديد؟ ومتى لا يمكنك أن تتصالح نهائيا؟
ناس كتير لسه شايلة هم التصالح في مخالفات البناء حتى بعد إصدار القانون بشكل رسمي، إلا أنهم لسه قلقانين من إجراءات التصالح
لكن من ساعات الحكومة طمنتهم وكشفت عن تسهيلات جديدة في القانون وكشفت كمان عن ميعاد التقديم على التصالح، لكن إيه التفاصيل؟
شوف ياسيدي، المستشار محمد الحمصاني المتحدث باسم مجلس الوزراء، قال إن اللائحة التنفيذية لقانون التصالح في مخالفات البناء هيتم أصدرها خلال أيام، ومن المتوقع صدورها في 22 فبراير
وقال إن دلوقتي كل الجهات المعنية بتشتغل دلوقتي علي الانتهاء من اللائحة التنفيذية لقانون التصالح
مش بس كده ده القانون فيه كتير من التيسيرات للمواطنين وجزء كبير منها متعلق برسوم التصالح، زي تقسيط رسوم التصالح لمدة 5 سنين وتخفيضها في حالة الدفع الفوري، والتخفيض في بعض الحالات والتقسيط بدون فوائد و التقسيط بفوائد.
انت كمان لازم تعرف إن قيمة التصالح على مخالفات البناء هو 50 جنيه لحد 2500 جنيه حسب كل منطقة بس السؤال هنا هي فلوس التصالح بتروح لفين؟
هنا القانون قال أن فيه نسبة (3 %) من المبالغ المحصلة، بتروح للجهة الإدارية المختصة،لإثابة أعضاء اللجان، وغيرهم من العاملين بالجهة الإدارية المختصة، وبالوحدات المحلية والأجهزة والهيئات.
وده من خلال السلطة المختصة، اللي بتحدد النسبة المقررة لكل فئة من الفئات اما باقي الحصيلة فبتروح للخزانة العامة للدولة.
بس بعدها ببتتقسم تاني وجزء منها بيتخصص لصالح بعض الجهات منهم نسبة (25 %) لصالح صندوق الإسكان الاجتماعي ودعم التمويل العقاري.
ومنهم نسبة (39 %) لصالح الجهة الإدارية اللي وقعت فيها المخالفة محل التصالح لمشروعات البنية التحتية من صرف صحي ومياه شرب وغيرهم من المشروعات التنموية، وده بناءا على قرار من رئيس مجلس الوزراء، وعلى عرض من الوزير المختص بالتخطيط والتنمية الاقتصادية.
بس على فكرة في بعض الحالات اللي مش ممكن تتصالح عليها مهما كان زي الأعمال المخلة بالسلامة الإنشائية للبناء، او في حالة التعدي على خطوط التنظيم المعتمدة، وحقوق الارتفاق بس ده لو متفقتش مع اصحاب حقوق الارتفاق.
كمان في حالة المخالفات الخاصة بالمباني والمنشآت بالطراز المعماري المتميز، او أنك اتجاوزت قيود الارتفاع المقررة من سلطة الطيران المدني، أو تجاوزت طلبات شؤون الدفاع عن الدولة برضو مش هقدر تتصالح.
كمان في حالة البناء على الأراضى المملوكة للدولة بس ده لو مقدمتش طلب لتوفيق أوضاعك او البناء على الأراضى الخاضعة لقانون حماية الآثار وحماية نهر النيل.
او غيرت الاستخدام للمناطق اللي صدرت ليها مخططات تفصيلية معتمدة من الجهة الإدارية، او بنيت خارج الأحوزة العمرانية المعتمدة، بس ده باستثناء بعض الحالات وهي:
_ المشروعات الحكومية ومشروعات ذات نفع العام زي المستشفيات والمدارس وغيره
_ و الكتل السكنية القريبة من الأحوزة العمرانية للقرى
يعني لو ناوي تتصالح الحق جهز ورقك وقدم
