الكثير ينتظر ليلة رأس السنة من اجل الخروج والاستمتاع بالأجواء المبهجة في هذه الليلة، ويفضل البعض أن يحضر حفلة في هذه الليلة ولكن المفاجاة ان الأسعار هذا العام خيالية، فقد تجد بعض الراقصات تحثل على 80 ألف جنيه في الساعة الواحدة..تابعونا سنتعرف على مزيد من التفاصيل.
اسابيع قليلة وهنحتفل ان سنة جديدة داخلة علينا، ومعروف ان ليلة رأس السنة لازم يكون فيها حفلات، واماكن وفنادق كتير عارفة ان ناس كتير بتستنى الحفلات دي من السنة للسنة، فعشان كدا بتجهزله من قبله بشهور
عشان هتدخل في منافسة مع الاماكن اللي حواليها بحفلتها، وازاي تجذب الجمهور ليها، وتشوف هتجيب مغني مين وهتنظمها ازاي او تعمل حفلة وتجيب فيها رقاصة مشهورة، بس ياترى هتقدر على اسعارهم؟
اصل مش الدولار والدهب بس هما اللي سعرهم بيزيد كل يوم، لا الراقصات هما كمان زودوا أجرهم في الحفلات، وهياخدوا في الساعة الواحدة ميقلش عن 60 ألف جنيه.وكل ما شهرتها اللي حققتها كانت أعلى كل ما هتزود في السعر أكتر
يعني طبعا “صافيناز” تعتبر من اشهر الراقصات في الجيل الحالي، فعشان كدا سجلت أعلى أجر في موسم حفلات رأس السنة 2023، وحددت لنفسها سعر 90 ألف جنيه في الساعة الواحدة.
وجات بعدها الراقصة البرازيلية لورديانا، حددت هتاخد في الساعة الواحدة 80 ألف جنيه، ومن ضمن الراقصات برضو اللي اتشهرت بسرعة الفترة اللي فاتت كانت اللبنانية جوهرة، ووصل اجرها في الحفلات في الساعة لـ 70 ألف جنيه.
لكن طبعا منقدرش ننسى “دينا الرقاصة” رغم انها يعتبر مشهورة من زمان من قبل ما كل الرقاصات اللي قولنا عليهم في الاول يظهروا.
الا انها لسه محافظة على مركزها، ولسه ضمن قايمة أغلى الراقصات أجرًا ، لكن هي كانت أقل منهم كلهم وهتاخد 55 ألف جنيه بس في الساعة
وطبعا الاسعار دي ممكن تختلف وتزيد من مكان للتاني، يعني لو الحفلة هتتعمل في مكان كبير ومشهور، اعتقد انهم هيعلوا في أجرهم أكتر
ودي مش كل الراقصات اللي بتبقى موجودة في الحفلات والافراح، لكن دول اشهرهم، ودول اللي الاماكن بتتنافس عشان تجبهم في الحفلات، عشان عارفين انهم أول ما يعلنوا عن وجودهم في الحفلة، في جمهور كتير هيجري يحجزها.
عشان كدا غلوا اجرهم بشكل مبالغ فيه، عن اسعار حفلات السنة اللي فاتت، لان في راس السنة 2022، اجرهم مكنش بيزيد عن 55 ألف
وده اللي خلى الجدل يزيد على السوشيال ميديا، وناس كتير قالوا انهم بيبالغوا في الاسعار
وبياخدوا أجر أكتر من المطربين والفنانين، في مصر والوطن العربي
وانت كمان شاركنا برأيك، وقولنا هل فعلا هما حُرين يحددوا السعر اللي هما عايزينه ويستاهلوا ده، ولا الاسعار مبالغ فيها خصوصا انها في الساعة الواحدة مش في الليلة كلها.
