أعلن مغني المهرجانات حسن شاكوش استئناف طرح أغانيه في الأيام والأسابيع المقبلة، وذلك بعد فترة توقف لنشاطه الفني تضامنا مع فلسطين، وذلك في بث مباشر عبر حسابه في موقع التواصل الاجتماعي إنستجرام.
وقال شاكوش: “لما حصل موضوع فلسطين قلنا ميصحش إخواتنا في فلسطين يموتوا وإحنا ننزل أغاني، ولقينا الموضوع طول للأسوأ”.
“أحسن ما أبيع مخدرات”.. حسن شاكوش يفاجئ الجميع بقرار مهم
وأضاف: “إخواتنا في فلسطين الحزن في القلب وقلبنا معاهم، والواحد عمل على قد ما يقدر، وغصب عني أنا ملتزم بعقود وشغل”.
وتابع: “أنا مبعملش حاجة غلط وأي شاب في الدنيا يتمنى شغلتي، وأحسن ما أبيع مخدرات، الله أعلم بظروف اللي بيبيع مخدرات أو وراه إيه من مسئوليات أو ديون إيه، العذر لكل أخواتي الشباب.”
وأكمل: ” لو أنت مكاني هتقول أنا عايز أغني وعايز الشهرة دي، أنا اجتهدت وتعبت ومتعرفش أنا تعبت ازاي عشان أوصل للي أنا فيه، وأنا موصلتش لحاجة أنا في الأول، لسه المشوار قدامي طويل”.
وفي وقت سابق، نشرت ريم طارق طليقة حسن شاكوش، مقطع فيديو قصيرا لها عبر ستوري حسابها الخاص بتطبيق “إنستجرام”، وجهت من خلاله رسالة للإعلامية رضوى الشربيني.
وقالت طليقة حسن شاكوش، في مقطع الفيديو، لـ رضوى الشربيني: «أنا عاملة الفيديو دوت علشان أوضح الفيديو اللي انتشر على السوشيال ميديا إن أنا خدت حقوقي وكده.. أنا كان إجباري عليا إن أنا أعمل الفيديو عشان آخد حاجتي.. وبعد ما أخدتها الفيديو نزل وكان لسه المفروض لما المشكلة تخلص الفيديوهات تنزل».
وتابعت طليقة حسن شاكوش: «بس هرجع وأقول ما فيش صلح حصل وكل اللي حصل كان فيلم ولعبة علشان السوشيال ميديا والإعلاميين يهاجموني، أستاذة رضوى إنتي ما تعرفيش أنا اتعرضت لإيه عشان أعمل الفيديو ده.. وأنا كل حاجة اتكلمت فيها قبل كده كانت بدليل.. وكل حاجة معايا أقسم بالله أقسم بالله كل دليل معايا.. وأنا قلت الصلح خير بس من الواضح إن الطرف التاني مش حابب ده».
اقرأ ايضا:
