كشف الفنان أحمد جلال عبدالقوي، تفاصيل الأزمة الصحية التي مر بها خلال الفترة الأخيرة.
وقال أحمد، في تصريحات صحفية: خضعت لعملية كبيرة في ضهري، أتعودت بعدها على علاج معين، استخدمته حتى بعد ما وقف العلاج بقا عندي اعتيادية عليه، تجربة وعدت وربنا كرمني واشتغلت على نفسي، لأن دي مش حياتي، وأنا أتعلمت الدرس لأن في أهل كان ممكن لو حصلي حاجة هيتأثروا، أنا فنان مشهور والمفروض أكون قدوة مكنش يصح أكون في موقف زي ده أبدًا.
وتابع: أي حد كان بيحبني وشايفني مَثل خسرته، طالما أنا فنان وعايز أبقى شخصية معروفة ومشهورة، مكنش يصح أشرب مخدرات وأمشي في الطريق ده، أهلي أول ناس وقفوا معايا، رغم أن كان عندهم صدمة من اللي حصلي، كل الناس اللي توقعت يقفوا جمبي محدش فيهم وقف معايا، لكن مكنش فارق لي، لأن صحابي مش كتير وصاحب الكل دايمًا وحيد.
وجدير بالذكر أن أحمد جلال عبدالقوي، دخل أحمد جلال عبد القوي مركز إعادة تأهيل حتى يتعافى من إدمان المخدرات.
اقرأ أيضًا: تعرف على مواعيد قطارات السكة الحديد الإضافية فى عيد الفطر
