كشف المطرب أحمد سعد، تفاصيل تعرضه للسرقة في إيطاليا،خلال مداخلة هاتفية ببرنامج “الحكاية” الذي يقدمه الإعلامي عمرو أديب بقناة “إم بي سي مصر”.
وقال أحمد سعد: “اتسرق مني شوية ألماظ اللي الناس قالوا ده لابس شبكة العروسة”.
أحمد سعد يحرج عمرو أديب على الهواء.. ماذا حدث؟
وتابع: “٣٠ قيراط ألماظ اتسرقوا مني وبجد بقول عظيمة يامصر والأمن المصري برقبة أي أمن في أوروبا”.
من جانبه قال عمرو أديب: “تفتكر يا أحمد لو لبست عقد زيك كده الناس هتعمل فيا إييه؟”.
فيما رد أحمد سعد عليه قائلا: “مانت لابس ساعة مش سهلة برضو دي أغلى من العقد الألماظ”.
وعلق المطرب أحمد سعد على عودته إلى طليقته علياء البسيوني خلال حفله بالساحل الشمالي، وإعلانه عمل فترة خطوبة جديدة.
ومازح أحمد سعد موجها حديثه لـ عمرو أديب خلال مداخلة هاتفية ببرنامج “الحكاية” بقناة “إم بي سي مصر”: “عمرك شفت حد خطب مراته؟”.
ليعلق الإعلامي:”هو حد يعمل كده يا راجل”.
وقال أحمد سعد: “كان نفسي أقول إن حياة الفنانين مش مشوهة وكنت عايز أوصل رسالة إن أي اتنين متخانقين يبعدوا عن كل الناس اللي حواليهم وأي حد بيوصلهم حاجة وحشة أو حلوة، وأعطيت لنفسي فرصة أنا وأم عيالي إننا نكلم بعض بدلًا ما حد ينقل عننا أي أخبار وننسى كل حاجة وحشة في فترة زعل أو عصبية ونرفزة ونبص على بعض بعين تانية فيها اعتبار لأولادنا”.
اقرأ ايضا:
