اخيرا خبر حلو جديد للنجم احمد سعد الذي طفله الثاني من زوجته الاخيره علياء بسيوني ، والتي انتشرت صورة لها خلال اليومين الماضيين وهي حامل وخلاص قربت تولد، واحمد سعد لم يعلن الخبر لكن الصورة انتشرت على انستجرام وظهرت وهي حامل في الشهور الاخيرة .
احمد سعد وعلياء هما الاتنين مقالوش اي حاجة عن موضوع الحمل التاني ده خالص وحبوا يكون الموضوع عائلي فقط من غير ما يقول احمد سعد لجمهوره انه هيجيله طفل تاني قريب جدا
و قدر يفصل بين حياته الشخصية و الفنية والتزم الصمت هو ومراته تماما وعملوها مفاجاة للناس ؟؟؟
طب الناس عرفت منين عبر حمل عليا مرات احمد سعد ؟ انا هقولك .. الفنانة هبة مجدي نشرت شوية صور ليها مع اصحابها على انستجرام و كان من ضمنهم علياء وطبعا كان باين عليها الحمل وتقريبا هي في الشهر السادس او السابع بحسب الصور المنتشرة.
ده كمان من فترة كدا طلعت اشاعات كتير بتتكلم عن انفصال احمد سعد و مراته عليا وده بعد ما هي كتبت بوست غامض على السوشيال ميديا وقالت انها مش قادرة تغير شريكها للافضل، والناس كلها فهمت انها تقصد احمد سعد و توقعنا يكون في خلاف كبير بينهم و ممكن ينفصلوا قريب.
وده تحديدا حصل بعد ازمة احمد سعد في حفلته بالسعودية واللي كان لابس فيها لبس غريب واتعرض لهجوم كبير جدا بسبب لبسه.
احمد سعد مردش على كل الاشاعات واللي بيتقال عنه وعن مراته لكنه عمل حاجة تانية خالص نفى بيها الموضوع بشكل غير مباشر ، وراح نشر صورة ليه مع عليا و كتبلها كلمتين حلوين على انستجرام و قالها : بجد أنتِ هدية من ربنا ليا،،،،، وبكدا سعد نفى تماما اي اشاعة عن انفصالهم.
طب بعد ما عرفنا خبر حمل علياء بسيوني ، كدا احمد سعد هيبقى عنده كام طفل؟حتى الان عنده 3 اولاد ، 2 من مراته الأولانية لبنى بيومي ، وهما جودي و أحمد ، والبنوتة التالتة عليا آخر العنقود ، واللي سماها على اسم مامتها حباً فيها علياء ، واللي كانت وش السعد عليه.
وهما دلوقتي منتظرين مولودهم التاني وبكدا يبقى احمد سعد اب ل ٤ اطفال ،،،، هو اصلا بيحب الاطفال جدا وعلاقته بولاده استثنائية ومختلفة وعنده استعداد يخسر اي حاجة في الدنيا لكن ولاده لا محدش يقدر يدخل بينهم.
وهو نجح في انه يكون اب وصديق كويس جدا لاولاده وهما بالنسباله البوصلة اللي بتظبطله حياته و يرجعلها كل ما يتوه
كل مرة احمد سعد اتجوز واحدة كان حريص انه ميسبش ولاده وكان بياخدهم يعيشوا معاه ،،، فبعد انفصال احمد سعد ومراته الأولى لبنى ، كان حريص انه ميسبش ولاده ويتلهي في حياته عنهم ،
احمد دائما فخور بولاده و بينشر صورهم على انستجرام ومن فترة كتبلهم كلام جميل قدام كل الناس
وقال :اولادي احبابي اصحابي انا فخور بيكم جدا وبحبكم جدا جدا يا مصدر الهامي .. الكون كله شايف انكو ولادي وانا شايف الكون فيكو .. مفيش حد عنده ولاد زيكم ويبات يوم فقير “.
احمد سعد لما ارتبط بريم البارودي في 2015 ، كان ولاده جزء من علاقتهم ، ونشر صور ليه مع ولاده وريم وهما يجهزوا الاكل ومفضيين اوقات حلوة مع بعض ، وكتب وقتها على الصور : في أي وقت بإذن الله.. تقدر تحقق أحلامك إنما في الوقت اللي يختاره هو إنك تكون عائلة ومين أفرادها.. 1000 حمد وشكر ليك يارب”.
وبعد ما انفصل احمد سعد وريم في 2016 ، بررضه لجأ لأولاده اللي ملوش غيرهم يتسند عليهم في كل اوقاته الصعبة ، ونشر صورة ليهم وكتب عليها : من اللحظة دي أنا رجعت لأولادي خلاص، وسبنا بعض نهائي أنا وريم، ومعلش لكل جمهوري بس عيالي محتاجيني أكتر، وده اتفقنا عليه خلاص”
احمد سعد كان حريص طول الوقت انه يحسن علاقته بولاده و يعيش معاهم كل التفاصيل ، وميكونش جوازه من أي واحدة سبب في انه يسيب ولاده ، ونشر صورة ليه معاهم وكتب عليها : هما دول حياتي وماليش حياة غيرهم
حتى لما اتجوز سمية الخشاب ، كان ولاده جزء اصيل من علاقته بيها ، وهما الاتنين نشروا صورة ليهم مع الاولاد زي اي اسرة جميلة مترابطة ، وكتبت سمية عليها : دول العيلة حبايب وروح قلبي.
ولما احمد و سمية انفصلوا وكان اشهر انفصال في الوسط الفني وقتها بعد مشاكل كتير حصلت بينهم ،، وقتها احمد جري على ولاده وقرر يوجه كل حبه وطاقته ليهم بس عشان يخرج من اللي هو فيه ، ونزل صورة ليهم على انستجرام وكتب : “أنا قررت الانفصال عن الفنانه سمية الخشاب، أتمنى لها السعادة والتوفيق وأتمني ربنا يقدرني علي الحب والعطاء لأغلى حاجة عندي اولادي “.
