حلت الفنانة زينة، ضيفة برنامج “حبر سري” الذي تقدمه الإعلامية أسما إبراهيم عبر قناة “القاهرة والناس”.
ووجهت الإعلامية أسما إبراهيم، سؤالا للفنانة زينة : “أحمد عز عقدك في الزواج؟”، لترد عليها زينة قائلة: “لا خالص، بس أنا مش عايزة اتجوز لأني مش فاضية ادخل راجل حياتي، لاني ولادي واخدين كل وقتي، ومعتقدش اقدر ادخل راجل غريب عليهم، أنا مكتفيه بيهم هما”.
وردا على سؤال ما إذا كانت تعيش قصة حب قالت زينة “أنا عندي ولادي دلوقتي أبوهم مش موجود، مش هينفع أطلع أقول بحب راجل غيره، أنا بحب أبو ولادي”.
وأضافت زينة أن مشكلتها الأخيرة مع أحمد عز مشكلة شخصية وأصبحت أكبر وتتداول بشكل كبير لأنهما مشهوران والجمهور تدخل في المشكلة، مشيرة إلى أنه لا يصح أن يتدخل أحد في هذه المشكلة التي بينهما.
وتابعت زينة “أي حد داخل بينا هو خارج.. والسنين هتلف ولو وقعت في أزمة هو هييجي عشان أولاده، منوهة بأنه راجل كويس ومحترم وتكفل بأولاده ولا يجب أن يُكتب عن هذا الموضوع مرة أخرى، حيث إن الموضوع شخصي ويجب التزام الصمت فيه.
واستكملت “محدش يقول رأيه انتو مين كل اللي بيتدخل في حياتنا مش عارفين الحقيقة وإحنا مصدرناش المشكلة للإعلام لكن هو اللي تدخل”.
