حالة من الجدل الواسع أثارتها الفنانة رانيا يوسف، الساعات الماضية، خلال لقائها مع الإعلامية بسمة وهبة في برنامج العرافة.
وقالت رانيا يوسف: “أنا بحب ربنا ولكن مش بخاف منه، وأنا مبعملش حاجة غلط.. أخاف منه ليه؟.”
«أخاف من ربنا ليه؟».. رانيا يوسف تصدم الجميع بتصريحات صاعقة على الهواء
وتابعت: “أنا مش ملاك وربنا خلقني بغلط عشان أرجعله وأستغفر له ومش معنى إني بستغفر إني بخاف منه؛ لأ أنا بعمل كدا لأني بحبه، ليه دايما عايشين في الخوف وبنخوف الناس من ربنا؟”.
وأضافت: “وأنا مش بخاف من الموت ولا يفرق معايا بالعكس الموت راحة من المسئوليات.”
وأكملت رانيا يوسف: “أنا بخاف على بناتي بس ومش بخاف من يوم الحساب وعندي ثقة مطلقة ولو سألني على فستاني هقوله أنا غلطت ورجعت وكان سوء تقدير مني”.
واختتمت: “وبنتي لما لبست فستاني بعدها كانت طفلة عندها 16 سنة إيه الإغراء فيها؟ وأنا مربية بناتي على الحرية في حدود وهي عملت إيه يعني دي لبست فستاني ومكنش عليها زيي لأنها مش زيي.”
