الفنانة رانيا يوسف معروفة بانفتاحها وجرأتها الزيادة يمكن لأنها تأخذ قراراتها بنفسها من غير ما أحد يتدخل وهذا ما يوقعها في شر أعمالها كما اعترفت.
بس في حاجات عملتها معاها مامتها وهي صغيرة خلتها تربي بناتها بطريقة تانية واللي علمته ليهم ممكن يصدم ناس كتير.
ورغم فشل رانيا في 3 جوازات قبل كده لسه نفسها مفتوحة على الجوازة الرابعة بس اللي عملته وقت طلاقها من جوزها الولاني فكرنا بالفنانة شيرين عبدالوهاب، خليكوا معايا في الفيديو ده هقولكم كواليس جديدة في حياة رانيا يوسف.
زيجات رانيا يوسف
معروف إن الفنانة رانيا يوسف اتجوزت 3 مرات وكل مرة كان الموضوع بينتهي بالطلاق، لكن في كواليس جوه كل جوازة محدش يعرفها ولسه في حاجات مستخبية فعلًا، يعني مين كان يعرف إنها صبرت على جوزها الأولاني 5 سنين كاملين وماسكة في الجوازة بإيديها وسنانها عشان بناتها، بس في الآخر خلاص حصل اللي حصل واللي مكنتش بتتمناه عمومًا.
وواضح إن رانيا مبتتعلمش من غلطها زي ما قالت في مقابلة ليها وهوب عملت موف أون بدري بدري وكانت جوازتها التانية بعد وقت قصير جدًا وعشان كده مكملتش فيها وقالت إنها ياريتها مخدت القرار ده، ورغم إنها مكنتش عاوزة تتجوزة للمرة التالتة بس تحت ضغط أهلها وولاد جوزها التالت وبناتها هي كمان خدت قرار الجواز بعد سنة ونص من جوازتها التانية، بس يلا كله رايح.
مفاجأة في طلاقها الأول
وقالت رانيا يوسف إن عندها مشكلة مع التكييف ولا بتحبه في الصيف ولا الشتا وكفاية عندها مروحة سقف والمفاجأة بقى إن التكييف كان من أسباب طلاقها الأولاني وده كان قرار صعب عليها وقالت إنها عشان تاخد قرار الطلاق اضطرت تقص شعرها وده طبعًا اللي فكرنا باللي عملته الفنانة شيرين عبدالوهاب لما أعلنت طلاقها مرة قبل كده من جوزها حسام حبيب وقالت إنها قصت شعرها وفعلًا ظهرت في حفلة ليها وقتها وكان شكلها مفاجأة للناس.
مامتها وبناتها
ويمكن من اهم الحاجات اللي اتكلمت عنها رانيا يوسف هي طريقة تربية مامتها ليها وطريقة تربيتها لبناتها دلوقتي، واللي تعتبر دونت ميكس خالص، وقالت إن مامتها كانت مسيطرة عليها وبتخليها متاخدش قرارات في حياتها يمكن لحد ما وصلت 16 سنة وده كانت حاجة صعبة.
وعشان كده خلت بناتها منفتحين وبياخدوا قراراتهم بنفسهم لدرجة إنها علمتهم يختاروا اللبس لنفسهم وبقوا بيحبوا اللبس القصير والانفتاح ودي حاجة مش عاملالها إزعاج لأ وكمان بناتها بيختارولها لبسها.
يمكن دي كانت أبرز الحاجات اللي اتكلمت عنها رانيا يوسف بس المفاجأة كانت إن نفسها مفتوحة على الجواز من تاني ومعندهاش مشكلة تتجوز للمرة الرابعة ووقتها هتختار صح عشان بناتها يكونوا في أمان، و‘نها هتقدر تعمل ده طالما الحياة لسه مستمرة، ومفيش مشكلة بالنسبة لها وكمان بناتها بيشجعوها على التجربة الرابعة دي عادي.
في كمان حاجات تانية اتكلمت فيها زي إنها ممكن ترتبط بحبيب سابق لصاحبتها لو عدى وقت طويل على انفصالهم بس لو الفترة قصيرة مش هتخوض التجربة دي، كمان هي اتعودت تحضر لنفسها كل حاجة وعشان كده تحب إن الراجل يهديها هدية، بس الست ملهاش في الهدايا والكلام ده وعشان كده بتعتبر نفسها هدية للراجل.
