كلام جارح وشتائم واتهامات واجهتها الفنانة أصالة من سلطان الطرب جورج وسوف ، لدرجة انه تطاول عليها بكل جرأة في برنامج وقال عليها كلام لا يجوز أن يقال على الهوا ، لكنه جرئ ولا يخاف ولا يفرق معه ودائ
ما عامل دماغ.
من حوالي 6 سنين حصلت مشكلة كبييييرة بين جورج وسوف وأصالة ، هي معملتلوش حاجة بشكل شخصي لكن سلطان الطرب قلب عليها وبدأ يهاجمها في كل وسائل الاعلام وكل ما يتسأل عن اصالة ، وكل ده وهي ساكتة ومحاولتش ترد ليه الاهانة ولا مرة.
جورج وسوف اتهم اصالة بالخيانة ، وقالها كلام جارح جدا ، وده بسبب الازمة اللي اتعرضت ليها بلدها سوريا من كام سنة ، وسعتها اصالة هاجمت الرئيس بشار الأسد بعد الحرب في سوريا وطلبت انه يسيب الحكم
هجوم اصالة ده عملها مشاكل كتير ، وخلى نجوم سوريين يعترضوا على كلامها ويهاجموها منهم النجمة رغدة ، وكلهم اتهموها بالخيانة.
وسبب كل القلبان ده ان اصالة وهي صغيرة كان عندها مرض شلل الاطفال ، والرئيس السوري السابق حافظ الاسد تبنى موهبتها وساعد في علاجها وبعتوها روسيا تتعالج.
ده السبب اللي خلى جورج وسوف ونجوم غيره كتير يقلبوا على اصالة و يتهموها بالخيانة ، لكن سلطان الطرب زودها اوي واستمر في التجريح فيها بكلام صعب.
وفي مرة كان جورج وسوف ضيف في برنامج ، وعرضوله صورة اصالة عشان يوجه لها كلمة ، وهووب اتحول 180 درجة وبدأ يشتمها ، وقال عليها : دي فاجرة .. اصالة اسم مش على مسمى ، ابوها رحمة الله عليه كان من افضل الفنانين في سوريا وهي فاكرة ان ربنا مخلقش غيرها.. هي الخسرانة “.
وكمل جورج وسوف وصلة التهزيق لأصالة وقال : خسرت كل الناس وخسرت وطنها وبيتها .. اللي بيشلح تيابه يبرد ”
الكلام كان صعب اوي على اصالة انها تسمع شتيمتها كدا على الملأ ، لكنها فضلت صامدة ومرضتش تقوله كلام يجرحه لانه كان صديق والدها ، واحتراما للصداقة دي قررت انها متردش ومتدخلش معاه في خناقة.
اصالة اكتفت برد مختصر على جورج وسوف ، وكتبت على تويتر كلمتين خلوا الناس احترمتها وقالت / انا خايفة عليه وبحترم تاريخه ومقدرش اجرحه لانه كان صديق اغلى شخص عندي بابا ،، مش هرد ومسمحاه من كل قلبي “.
لحد هنا القصة منتهتش ، لكن جورج تجاهل اصالة في حفلة تريو نايت ، والموقف ضايق اصالة واحرجها ، وقالت عن اليوم ده : كنت بتمنى أكون معه، وحفظت كل أغانيه، لكن ظروفه ما بتسمح، وهو أستاذنا الكبير، وما بقدر أشيله من قلبي فجأة، هو مزروع بـ قلبي وكل ذكريات طفولتي، وموقف مثل ما حدث بالحفلة ما بيخليني أحكم عليه، هحس أني بظلمه أو يكون في شيء من الأنانية.
وخلال الشهور اللي فاتت محصلش اي جديد في قصة جورج وسوف واصالة ، لحد ما اتوفى ابنه وديع في بداية السنادي وكل الوسط فني حزن عليه وكانوا زعلانين على جورج ووجع قلبه.
الموقف ده خلى اصالة تنسى كل حاجة وحشة سمعتها من جورج وقررت تنهي الخلاف اللي بينهم ونشرت صورة جورج وابنه الراحل عندها على انستجرام وعزته قدام الناس كلها وكتبت : ما اصعب هالفقد بدعي ربنا يصبر اهله وحبايبه.. الفنان الكبير الغالي جورج وسوف ..ربنا يصبرك ويرحمه ويعوض شبابه في الجنة”.
وبكدا انتهى خلاف اصالة وجورج وسوف بعد مرور حوالي 6 سنين من التجريح ، لكن عشان خاطر والدها قررت تنسى اي حاجة مزعلاها وتصالح السلطان.
