مشاكل وخلافات سعد الصغير لا تنتهي، بعد أزمته مع طليقته الراقصة شمس والتي قبل قدمها أمام كل الناس، جاء الدور على زوجته برلنتي عامر.
رغم أنه كان بيطلع ويدلعها ويقول أنها حب حياته؛ إلا أنه كانت الصدمة أنه رجع وقال عليها إنها خانته واتعرفت على راجل تاني وهي متجوزاه.. لكن الأغرب من كده أنه رجع واترجاها ترجعله من جديد.
إيه حكاية سعد الصغير؟ وإزاي مراته برلنتي خانته مع راجل تاني؟ وليه اترجاها ترجعله؟ وإيه اللي عمله مع حماته.. مفاجآت كتير هتعرفها في الفيديو ده؟
المطرب سعد الصغير عاش قصة حب كبيرة مع الفنانة برلنتي عامر، وكانوا بيتقابلوا ويخرجوا مع بعض عشان التعارف بينهم يزيد وقصة الحب تاخد حقها، وده اللي خلى الناس تطلع وتقول إنهم مرتبطين وكمان متجوزين.
وعشان الفنانة برلنتي عامر كانت عايزة تحافظ على علاقة الحب الكبيرة اللي بينها وبين سعد، طلعت فعلا في فيديو على موقع التواصل الاجتماعي “فيسبوك” وقالت إنهم فعلًا متجوزين، وإنها هتكمل حياتها معاه.
قصة انفصال سعد عن برلنتي عامر
الفنانة المصرية برلنتي عامر طلعت من فترة وقالت إنها انفصلت عن سعد الصغير، وده كان بسبب إنه كان عايزها تشارك معاه في مسرحية في السعودية.
مش بس كده دي كمان وضحت إنه خلاها تبقى بين اختيارين أصعب من بعض الأول إنها تمثل معاه في المسرحية، والتاني بقى إنها لو مرضيتش خلاص تبقى طالق بالتلاتة.برلنتي قالت كمان إنها لما سعد سافر لوحده اعتبرت نفسها في الوقت ده إنها مطقلة ومش هينفع تكمل معاه حياتها.
برلنتي عامر في علاقة رغم جوازها من سعد الصغير
سعد الصغير مش بس انفصل عن برلنتي عامر ده كمان اتهمها بعلاقتها برجالة وهي متجوزاه، مش بس كده ده كمان وضح إن في محادثات بينها وبين رجالة غريبة، وإنها على علاقة بيهم وبتروحلهم.
لكن برلنتي عامر طلعت وقالت إن الكلام ده أصلا كان كله تمثيلية كانت عايزة تعرف منها إن سعد بيكلم ستات غيرها ولا لأ، وكمان وضحت إنه طلع فعلا بيعرف عليها ستات كتير، مش ده المهم الأهم إنها قالت إن اللي كانت بتكلمه كان أخوها.
خناقة سعد مع برلنتي عامر وحماته
سعد الصغير حكى إن كان فيه خلاف كبير بينه وبين زوجته برلنتي وحماته، إنه كان ماشي في الشارع بعربيته وكمان برلنتي، المهم إنهم قابلوا بعض وفضلوا يتخانقوا وجريوا ورا بعض بالعربيات.
مش كده وبس ده كمان سعد قال في المحضر اللي عمله لهم إن والدة برلنتي فتحت باب عربيته وخدت منه فلوس حوالي 75 ألف جنيه وباسبوره.
برلنتي عامر تكذب تصريحات سعد
برلنتي طبعا معجبهاش تصريحات سعد اللي قالها عن المشكلة واللي هي محصلتش، مش بس كده دي كتبت على صفحتها على “الفيسبوك”: “إن كل كلامك كدب يا فنان”.
خناقة سعد الصغير ووالدة برلنتي عامر
سعد الصغير مسكتش في المشاكل اللي كانت بينه وبين برلنتي عامر لحد هنا وخلاص، لأ ده اتهم حماته اللي هي والدة برلنتي بإنها خدت منه حوالي 75 ألف جنيه والباسبور بتاعه.
مش بس كده ده كمان قال إنه راح عملها محضر في القسم عشان يعرف يرجع حاجته، مش ده المهم الأهم إن لما سعد شاف إنه غلط في حق برلنتي عامر حاول يعتذرلها هي ووالدتها على اللي عمله معاهم، وحماته قالتله يا ابني أنا مسمحاك، ومفيش مشكلة خلاص.
سعد الصغير يعتذر لبرلنتي عامر
لحد هنا والموضوع كان سخن بين الطرفين وبعدها اكتشف سعد الحقيقة إن فعلا برلنتي مخانتوش ولا فكرت، وعشان كده طلع في برنامج وترجاها إنها تسامحه وترجعله تاني عشان يكملوا حياتهم مع بعض.
