عرفت بجمالها وخفة دمها، أيضا أنها جريئة على الشاشة، لكن حياتها الشخصية وأسرارها تحتاج كتب لكي نتحدث عنها، الرجال مثل الخاتم في إصبعها لدرجة أنها تزوجت 12 رجل، نجمة السينما “غادة عبد الرازق” الملقبة بصائدة الرجال، لماذا انفصلت عن آخر ازواجها، وما هيقايمة الرجال في حياتها؟ .. كل هذا سنعرفه من خلال التقرير التالي:
انفصال يكشف عدد الرجال
“غادة عبد الرازق” رغم إنها بدأت الفن متأخر الا انها قدرت تصنع إسم كبير بسبب أدوارها اللي بتعجب الجمهور، وعلشان كدة النقاد بيعتبروها واحدة من نجوم الصف الأول في السينما.
“النجمة” طلعت من كام ساعة في لقاء تلفزيوني وكشفت انفصالها عن آخر ازواجها “هيثم زانيتا”، ولما اتسألت عن رقمه ضمن قايمة الرجال اللي في حياتها، قالت النجمة إن “هيثم” رقم 12 بالنسبة لها.
“غادة” بعد انفصالها عن “هيثم” قامت بحذف كل صوره من على أنستجرام حتى آخر صورة رومانسية كانت بتجمعهم حذفتنا، وهو كمان حذف صورها من على صفحته.
“غادة” من الفنانات اللي بترتبط كتير بالرجالة، ومعروفة بفشل علاقاتها الزوجية تتعرف على راجل تحبه فتتجوزه وفجأة تنفصل عنه، بعدها تعلن عن شريك جديد تتجوزه وبعد شوية نفس الحكاية، لحد ما وصلوا 12 راجل. وعن سبب الجواز دايمًا بتقول إنه عايشة بمبدأ “ضل راجل ولا ضل حيطة”.
الزوج الأول رجل أعمال سعودي
“غادة” لما كان عندها 17 سنة اتجوزت لأول مرة في حياتها من رجل الأعمال السعودي “عادل القزاز”، واستمرت زواجها به 7 سنوات خلفت منه بنتها “روتانا”، ولما اتسألت عن سبب انفصالها قالت انه الراجل الوحيد اللي خسرته من كل الرجالة لانه والد بنتها وكمان شخص محترم.
رجل أعمال بورسعيدي
في المرة التانية اتجوزت “غادة” رجل أعمال بورسعيدي اكبر منها، وانفصلت عنه سريعاً، وبعدها قالت انها اضطرت تتجوزه علشان كانت شبه باباها، فكان كلامها غريب خلت آلاف المتابعين ينتقدوها!.
الثالث محامي كبير
وفي المرة التالتة اتجوزت غادة المحامي “حلمي سرحان” في سنة 2001 والجوازة دي ما استمرتش أكتر من سنة، والانفصال حصل بينهم بسبب الغيرة، هي كانت بتسهر كتير وهو كان رافض ده فكل واحد راح لحاله!.
الرابع منتج سينمائي
رابع راجل في حياة غادة كان المنتج “وليد التابعي” وده له حكايات معاها، انتج لها فيلمين “أزمة شرف” وفيلم “90 دقيقة” وانفصلوا عن بعض اكتر من مرة، لكن في المرة التالتة كانت النهاية.
الخامس صحفي
الصحفي “محمد فودة” كان سكرتير وزير الثقافة الاسبق فاروق حسني وكان يعرف غادة من 18 سنة، فاتجوزوا بعد قصة حب كبيرة، لكن اكتشفت خيانته لها فانفصلت، وبعد فترة رجعت له فانفصلت وفي المرة التالتة كان الانفصال النهائي لقصة حبهم.
السادس منتج فني
كان في كلام كتير اتقال عن ارتباط غادة بالمنتج الفني محمد سعيد، لكن هي طلعت وقالت انها هتتجوز رجل أعمال مصري رفضت تقول إسمه ليكون رقم 6
في سنة 2019 غادة عبد ال ازق في حوار تلفزيوني قالت انها مش فاكرة اتجوزت 11 ولا 12 مرة، منهم 5 قبل مسلسل “زهرة وازواجها الخمسة” والباقي بعد كدة لحد ما وصلوا 12
ويعتبر “هيثم زانيتا” مدير التصوير هو أخر واحد في قايمة الرجالة في حياة غادة عبد الرازق، اللي عاشت معاه قصة حب أثناء تصوير مسلسل “سلطانة المعز”.
هي دي قصة “نجمة السينما” اللي دوبتهم 12 فياترى مين هيبقى الرقم 13 في حياتها؟ .
