فنان مطرقع … كما سمعت هذا هو الوصف الأنسب له وهذا وصفه هو لنفسه، فهو يصف نفسه بهذا الوصف دائما، وهو واحدا من اشهر نجوم الكوميديا استطاع بأدواره البسيطة أن يصبح علامة فارقة مع الناس، من منا لا يعرف الدكتور في فيلم “عندليب الدقي” والافيه المشهور الخاص به “ماما حلوة” بالتأكيد عرفتو من نتحدث عنه، أنه الفنان علاء مرسي والذي سنكشف عنه الكثير فيما يلي:
خلال لقائه مع الإعلامي عمرو الليثي في برنامج “واحد من الناس”، كشف الفنان الكبير علاء مرسي عن كتير من الاسرار واللي كان منها قصة حبه في أوسط الفني مع فنانة كبيرة.
النجم علاء مرسي قال إن فيه نجوم كتير في الوسط الفني ما بيعرفوش يمثلوا ومنهم النجمة نبيلة عبيد ونادية الجندي ودرة وأحمد حلمي، وقال كمان إن “5% هما اللي بيحصلو على الملايين، بس ده مش شرط إنهم يكونوا موهوبين.
وقال علاء مرسي إنه شايف نفسه من أعظم الممثلين الموجودين موهبة على مستوى العالم، وإنه مش شرط ياخد الملايين ممكن أكون عظيم بس مالوش سعر في الشغل لأن فيه نجم بيبيع وفى ممثل عظيم، وفى نجوم مبتعرفش تمثل وبيكونوا نجوم كبار جدا”.
وفي الناحية التانية، اشاد علاء مرسي بالفنان محمد رمضان، واللي قال إنه ممثل مهم وموهوب وعظيم في التمثيل. ومن الأسرار اللي فاجئ بيها علاء مرسي الجمهور، كانت قصة حبه للفنانة ميرفت امين، واللي قال إنه فضل يحبها لمدة 15 سنة بس لما جه يقول لها كده ضحكت، قال عنها إنها فنانة راقيه وإنه لسه بيبها لحد دلوقت.
ومن الأسرار اللي كشفها علاء مرسي عن حياته الفنية كان ندمه على مشهد الدكتور في فيلم “عندليب الدقي”، وقال: “ندمت على مشهد “ماما حلوة” فى فيلم عندليب الدقى لأنه حصرنى فى منطقة معينة.
علاء مرسي أتكلم عن كمان عن أجره وتقديره الفني، وقال إن الاجر اللي كان بياخده كان قليل جدًا على موهبته، وإن هو اللي كان السبب في ده بسبب قبوله لأي أدوار تتعرض عليه بهدف الانتشار، وإن القرار ده كان غلط وأثر عليه بالسلب بشكل كبير.
وللي ما يعرفش، فالفنان علاء مرسي من مواليد مدينة دسوق محافظة كفر الشيخ، والده هو الشيخ مرسى الدمراوى واللي بيعتبر واحد من علماء الأزهر الشريف.
اتربى علاء مرسي في بداية حياته في المدينة المنورة في المملكة العربية السعودية وكمل تعليمه في مدينة دسوق في المرحلة الابتدائية بعد وفاة والده الشيخ الدمرانى.
حصل علاء مرسي على بكالوريوس المعهد العالى للفنون المسرحية قسم تمثيل وإخراج دفعة عام 1998، جوايز كتير حصل عليها الفنان علاء مرسي منها احسن ممثل من مسرح الثقافة الجماهيرية واحسن ممثل في مهرجانات المسرح العربي في أكاديمية الفنون لأكتر من سنة. علاء مرسي عنده 4 اخوات ولدين وبنتين ومتجوز وعنده 3 أبناء مريم ومحمد وفاطمة.
