الفنان ماجد الكدواني ظهرت عليه فرحة كبيرة ونظراته كانت مؤثرة جداً في حفل ابنه البكري يوسف على كارلا منصور التي أبهرت الجمهور من جمالها وروعة فستانها والكل بدأ عنها بعدما دخلت عائلة ماجد الكدواني وأصبح حماها، تابعونا من خلال هذا التقرير سنكشف العديد من الأسرار عنها.
مفاجأة للكل
من كام يوم احتفل يوسف ابن ماجد الكدواني بحنته على عروسته كارلا منصور وحفل كان فيه الأهل والأصدقاء ورقص وتهاني للعروسين والحياة حلوة، ووقتها نشر أصدقاء يوسف ماجد الكدواني فيديو ليه مع عروسته وهما بيرقصوا على أغنية “إيه اليوم الحلو ده”، بس وقتها محدش خد باله من الحنة ولا إن الفرح قرب والكلام ده لحد ما ماجد الكدواني فاجئ الكل وعمل فرح الكل حلف بيه وبقى تريند ومفيش كلام غير عنه.
لقطة حلوة
طبعاً ماجد الكدواني عنده مبدأ كده عارفينه عنه إنه قافل باب بيته على أسرته وظهورهم نادر جداً دي حتى مراته محدش يعرف عنها حاجة غير إنها اسمها سيلفيا وباقي الاسم التاني مش معروف، المهم طبعاً إحنا في فرح ولازم الكل هيروح، وده اللي لقينا منه لقطة مؤثرة في الفرح وبشكل عفوي تعبر عن الحب من الابن لأمه مسك يوسف ماجد الكدواني، كلمته وقعد يرقص معاها بطريقة رومانسية، وظهرت مشاعر الحب بين الأم وابنها في حفل الزفاف، واللي حاضرين الحفلة عملوا دايرة حواليهم وقعدوا يصقفوا ويرقصوا.
الزفاف على مرتين
ممكن يكون البعض اتفاجئ أن ماجد الكدواني ليه ديانة غير اللي البعض كان متوقعا بس الموضوع خلاص بقى معروف للكل بعد زفاف ابنه يوسف عشان لما احتفل بيه اختار كنسية وعملوا مراسم الأعراس اللي بتتعمل هناك عشان دي طقوس لابد منها وعرفنا من هنا إن ماجد الكدواني مسيحي وبالتالي هتكون ديانة كارلا منصور المسيحية بردوا.
بس كارلا من فرحتها كان واضح إنها عاملة اتفاق مع يوسف ماجد الكدواني إن زفتها الكل يخلف بيها وبدل ما يبقى الفرح في الكنيسة والكل هيفرح بيهم لأ ده كملوا فرحتهم وراحوا على فندق واستقبلوا المعازيم ونجوم الفن وفضلت السهرة صباحي، وشارك ماجد الكدواني فرحته الفنانة ريهام عبد الغفور والفنانة دنيا سمير غانم وحوزها الإعلامي رامي رضوان والفنانة رنا رئيس.
أسرار كارلا منصور
اللي نعرفه عن كارلا منصور إنها مهندسة وخلاص على كده بس هي جنب إنها مهندسة ديكور وده لقبها الأساسي، هي شغالة شغلانة تانية دي مدربة لياقة بدنية ومحترفة في شغلانتها ومارستها كمان، آه هي كمان اسمها ثلاثي كارلا إيهاب منصور ومن مواليد شهر يوليو واتعلمت في الجامعة الأمريكية من سنة 2015 واتخرجت منها وواضح من صورة ليها مع يوسف ماجد الكدواني إنها اتعرفت عليه سنة 2021 وبدأت قصتهم مع بعض اللي انتهت بالزفاف السعيد.
