عايشين وحياتهم مهددة تنتهي في أي لحظة، هذه المفاجأة التي لن تصدقها عندما تعرف إنها موجودة في حياة الفنان أحمد السقا وزوجته مها الصغير.. ومها عملت في الإعلام وممنوعة من الفن لكن هذا لا يمنع إنها صديقة لفنانات كثر في الوسط وولدها أيضا كان مقرب من كل الفنانات.
إزاي أحمد السقا مانع مراته من التمثيل وليه خايف أنها تنفصل عنه؟.. وليه راحت لدكتور نفسي؟.. حكايات كتير هتعرفوها معايا في التقرير التالي:
مها الصغير إعلامية معروفة اتخرجت من كلية الإعلام ومارست المهنة متأخر شوية واتعرفت للجمهور.. لكن في وقت من الأوقات مكانش حد بيسمع عنها أي حاجة ولا حد يعرف مين هي مرات السقا وكمان الوقت اللي جوزها من أشهر الفنانين في مصر مشوفنهاش في عمل فني لأ حياتهم كمان كانت في خطر في وقت من الأوقات لدرجة إنهم قعدوا فترة مش عايشين مع بعض.. لكن بعدها كملوا ومعاهم ولاد كبار دلوقتي وتشوف مها متديهاش سنها وبتلبس على الموضة ومهتمة جدًا بنفسها.
ولاد الحلال كتير
مها الصغير اتجوزت أحمد السقا وهي عندها 20 سنة.. كانت عايشة في حرية وهي في بيت باباها وكانت عارفة إن البنت زي الولد بس اتفاجئت بقى إن الحياة الزوجية حاجة تانية والراجل عاوز يعمل فيها سي السيد.. وحصل خلافات ما بينها وبين السقا وولاد الحلال كانوا كتير واتدخلوا ووقعوا ما بينهم لدرجة إنها مقدرتش تستحمل الخلافات وانفصلت عن السقا بعد ما خلفت ولادها التلاتة منه.
مع الوقت رجعوا لبعض بس الخلافات استمرت وانفصلوا للمرة التانية عن بعض.. لكن بردوا مقدروش يبعدوا عن بعض ورجعوا تاني.. طبعًا الانفصال ده كان في السرْ واللي كشفت عنه بعد كده مها الصغير.. وطول الفترة دي وهي بعيدة عن ممارسة الإعلام شهادتها يعني والكل قال إن أحمد مانعها تشتغل والدليل إنها وجهت رسالة قبل كده للسقا وقالتله أنا عندي طموح وعاوزة أشتغل ومع الوقت بدأنا نشوفها في التلفزيون بتقدم برامج.
معاناة صعبة
مها الصغير رغم إنها بنت مصفف الشعر الشهير محمد الصغير وجوزها يبقى أحمد السقا لكن هي مرت بضائقة مالية قبل كده وده اللي خلاها تعاني من داء نفسي وتروح لدكتور عشان تتعالج.. الغريبة بقى إنها عندها داء مناعي نادر على الرئة.
ممنوعة من الفن!
ابتعاد مها الصغير عن الشهرة وإنها ممثلتش خلت الناس تقول أحمد مانعها من التمثيل والشغل لكن الحقيقة بتقول إنها ملهاش في الفن وعشان كده اشتغلت في الإعلام والسقا قال هو ليه الأسئلة اللي تودي في داهية دي أنا ولا منعتها من الشغل ولا غيره أنا ليا صحباتي فنانات وبيشتغلوا وبيقوموا بواجباتهم في بيوتهم بردوا والبيت مكانش مانع لمها إنها تشتغل.
مفاجأة عن انفصالهم
طبعًا مها الصغير دلوقتي مشهورة جدًا وليها حساب على إنستجرام وبيتابعه مشاهير وجمهور كبير.. وهي مهتمة بالموضة والأزياء ودايمًا بتنشر صور جديدة ليها ومن براندات معروفة.. وباباها مصفف الشعر الراحل محمد الصغير كل الفنانات يعرفوه وليه أكتر من بيوتي سنتر بيدخلوه المشاهير وصفوة المجتمع.. ودلوقتي بقى في مفاجأة بتهدد حياة السقا ومها الصغير إنها تنتهي خالص لا قدر الله.. وده في حالة انفصالهم عن بعض للمرة التالتة عشان وقتها هيدخلوا في دايرة مقفولة صعب يخرجوا منها ويرجعوا لبعض تاني عشان كده السقا خايف أنها تسيبه.
