هذا العام كان به الاخبار السعيدة عن العديد من نجوم الفن، ولكن أيضا تعرض العديد من الفنانيين لمضايقات وأحداث صادمة تسببت في دخولهم في حالة نفسية سيئة، مثل السخرية من شكلهم أو التنمر على أبنائهم وغيرها من المضايقات ، فلنتعرف من خلال هذا التقرير عن أبرز الفنانيين الذين تعرضوا لمضايقات في 2022.
من بعد ظهور السوشيال ميديا و بقى سهل جدا على اي حد انه يدخل و يكتب كومنت لفنان او فنانة .. و يضايقه بيه باي شكل سواء بقى يسخر من شكله من عمره من مرض اي حد مصاب بيه ،من طريقة كلام .. وهكذا
والكلام ده بياثر على ناس كتير من الفنانين حتى لو اتعرضوا كتير ليها .. فمثلا اكتر حد تعرض للمضايقات السنة ديه كانت شيرين فمن أول السنة كانت ظهرت بوزن زايد عن طبيعتها .. طبعا بالاضافة ان شعرها كان لسه قصير ..
فكانت تعليقات الناس حولين وزنها و ازاي هي وصلت للحجم ده لا ده في ناس كمان قالوا ديه رجعت ل حسام و حامل و مش بتقول.و وضح الدكتور النفسي الخاص ب شيرين .. ان الوزن الزايد ده بسبب ادوية الاكتئاب .. لانها بتتعالج منه بقالها فترة ..
تاني فنانة اتعرضت لموجة مضايقات كبيرة الفنانة ميرفت أمين، و ده بعد ما اتصورت وهي في عزاء رجاء حسين، و بطبيعة الحال اي حد في عزاء بيكون من غير مكياج، طبعا كمان عوامل السن بتغير الملامح.بس بعد انتشار صورتها اللي بينت كل ملامح الحزن و التعب اللي كانت فيهم .. بقت مادة للسخرية .. و ناس كتير جدا سخروا من شكلها .لا وكمان بدأوا يجيبوا صورها وهي في بداية حياتها .. وصورها دلوقتي ..
وده استفز فنانين كتير يدافعوا عنها ، و هي شخصيا قالت (( انا كنت في عزا .. المفروض يكون شكلي ازاي .. اكيد مش هروح و انا حاطة مكياج،وعادي مش بيفرق معايا المضايقات ديه )).
في كمان الفنانة هيفاء وهبي، اللي تعتبر مثال للجمال، مسلمتش من المضايقات، ففي حفلتها في موسم الرياض، انتشرت ليها صورة، الاضاءة و زاوية التصوير كانوا سيئين جدا.
فطلعت الصورة بشكل سئ، و ناس لعبت في شكل الصورة فبقى شكل هيفاء وهبي يخض اي حد يشوف الصورة ديه،وده ضايق هيفاء وهبي جدا، لان الناس فضلت تقول ده شكلها الحقيقي من غير فلتر ..
وده خلى هيفاء ترد وتقول ان اللي عمل الصور ديه، انسان مش سوي نفسيا، و ان ده بيعكس السواد اللي جواه ، وانها بتتعرض لمضايقات الكترونية مقصودة .
و ده خلاها تنزل صور كتير ليها من بعد الصورة ديه، كطريقة للرد على اللي سخروا من شكلها بسبب الصورة ديه،و اللي وقعت في نفس الفخ بتاعها الفنانة أصالة، ده كمان في نفس المكان.
و نفس شكل الملامح المرعب، و طبعا تعليقات الناس كانت سخرية ان ده علشان اصالة كبيرة،و ناس تانية علقت ان ده علشان عملية التجميل فشلت ،و نفس تعليق الفلتر اتقال عليها، بس أصالة مردتش، ولا علقت على انتشار الصورة ديه بالشكل ده
وفي كمان اللي اتعرضت لاصعب انواع المضايقات، الفنانة يسرا اللوزي، كلنا عارفين ان بنتها صماء و انها بتحاول توعي الناس ازاي يتعاملوا مع الحالات المشابهة لحالة بنتها،بس للاسف كتبتلها واحدة متابعة ليها على الانستجرام ،جملة (( يا ام الطرشة)) .
و من قبل ما يسرا ترد، كانوا المتابعين رادين عليها،بس ده ما منعش يسرا انها تكتب بوست مخصوص ليها، و قالت ان الطفلة الصماء ديه،هي اللي عملتني اني أكون ام كويسة و بساعد الناس.
ومش بس دول اللي اتعرضوا للمضايقات، دول ابرز الفنانين اللي حصل سخرية منهم، و مش اول ناس بردو ففي أحمد حلمي سخروا من شكل ودانه ، و في محمد رمضان و كريم فهمي اللي سخروا من لون و شكل ولادهم، و هتفضل المضايقات ديه مستمرة،باستمرار السوشيال ميديا .
