خلال الفترة الماضية واعتادت الفنانة أصالة على لفت انظار الجماهير في الوطن العربي بإطلالات مختلفة، وبسبب ظهورها الشبابي الاخير واجهت المطربة انتقادات ليس لها مثيل ضمن ازمات كتيرة وقعت فيها.
المطربة السورية “أصالة نصري” اللي شغلت اهتمامات كل متابعي السوشيال ميديا خلال الساعات اللي فاتت، بعد ظهورها بإطلالة شبابية، خلت الجمهور يطلب منها تحترم سنها.
أصالة اللي اتولدت في 15 مايو سنة 1969 يعني عندها 54 سنة لكن ظهرت وكانها بنت في العشرينات، هي واحدة من اشهر واهم المطربات العرب وكمان لها تاريخ كبير مع الازمات اللي اصطدمت من خلالها بالجمهور.
آخرهم الفيديو اللي تصدرت به تريند “تويتر” بعد حالة جدل كبيرة وهي بتشرب”سيجارة” في كواليس برنامج اكتشاف المواهب “سعودي أيدول”.
وتعرضت من خلاله لانتقادات واسعة والبعض اتهمها بعدم احترام جمهورها والتصرف بشكل غير لائق، وعلى ده ردت اصالة وقالت انها بتعتذر ومكانش ينفع تدخن بس البرنامج كان وقته طويل، وخدت شوية من واحدة صديقتها.
كمان ازمة تانية لأصالة تعرضت لهجوم كبير بسببها لما ظهرت في وضع رومانسي مع جوزها الشاعر العراقي فائق حسناصالة انتشرت لها صورة وهي تقبل فائق بعدها تلقت انتقادات تانية خلتها تتثظر الترند من جديد.
لكن هي ردت وقالت انه من حقها تحتفل بجوزها في اي مكان وبالطريقة اللي تليق بعلافتهم، وقالت ان جوازها من فائق رجعها للحياة من جديد، وده خلى الجمهور يفكرها بطارق العريان وايمن الذهبي ازواجها السابقين.
ازكة تالتة واجهتها اصالة خلال الكم ساعة اللي فاتوا لما ظهرت بوجه عشريني وتسريحة شعر شبابية، وارتدت فستان مستوحى من العباية الخليجية.
من خلال صور نشرتها وكتبت على صفحتها الرسمية على إنستجرام: “في الرياض مع أساتذة وزملاء وفنانين لتكريم صوت الأرض”.
بعدها الجمهور تفاعل معها لكن الفستان لم يعجب متابعينها فجت تعليقاتهم في شكل انتقادات كبيرة،منهم متابع قال: “ده لوك أم العروسة.. ليه كده يا صولا”، ومتابع تاتي كتب وقال”أصالة أنتي رائعة بس محتاجة ستايلست مبدع يفهمك”، ومتابع تالت قالها”الله يسامحك على هذا اللوك”.
وكان فيه تعليقات إيحابية تانية منها: “انتى جميلة في كل حالاتك ما تهتميش بالكلام السلبي”، و”كل ما تكبر تحلا”، و”قمر ماشاء الله”.
ازمة رابعة لاصالة اصطدمت بها مع الجمهور لما اعترفت بأنها خايفة من الزمن وضد فكرة كبر السن.وعلشان تواجه كبر السن دخلت في عمليات تجميل وبتمارس الرياضة كل يوم ده غير تناول الفيتامينات.
مش كدة وبس ده المطربة السورية علقت على الجدل ده وقالت انها بتشكر كل الناس إللى بتشجعها لما تغنى وبتقبلها زي ماهي حابة،وقالت كمان انها كل ما تكبر حلمها بيكبر، وطموحها بيزيد اكتر وشكلها بيحلو وده اللي زود الانتقادات ضدها.
اصالة ما اهتمتش بكلام الناس وقالت إن كل ما تلاقي فكرة تعجبها هتعملها وده حقها، علشان تستقبل الشعور اللي يناسبها ولو نبتت فيها نبتة لازم تراقبها وتنميها لتظهر بروح حلوه.
أصالة علشان تخفف من هجوم الجمهور عليها على صورتها المتداولة، وكتبت تغريدة، عبر حسابها الرسمي بموقع “تويتر” قالت.
انه مكانش المفروض تشرب قدام الناس، كان وقت التصوير طويل فأخدت من صديقه موجودة وشربت منّها شوية وللأسف صوّروها.
