كانت تريد أن تصبح مغنية، وعندما رآهاالفنان صلاح السعدني نصحها تهتم بالتمثيل احسن وتوقع لها مستقبل كبير على الشاشة.
في حياتها مجموعة كبيرة من الأسرار الشخصية اللي محدش يعرفها، وغير ده كله من ألمع النجوم على السوشيال ميديا.
بنتكلم عن بنت الإسكندرية الفنانة ” سمية الخشاب” اللي اتصدرت التريند خلال الساعات اللي فاتت بعد تصربحها اللي قالت فيها انها احمل من جورجينا.
“سمية الخشاب” شاطرة وعندها موهبة كببرة، وكمان بتعرف تسوق نفسها كويس على السوشيال ميديا وبتصريحاتها بتلفت الانظار ليها.
ومن اغرب تصريحاتها الاخيرة انها شايفة “جورجينا” زوجة اللاعب العالمي “كريستيانو رومالدو” انها ست عادية وهي اجمل وأحلى منها بكتير.
ورطت محافظ الإسكندرية
سمية الخشاب من ضمن الازمات اللي عاشتها واتسببت في جدل كبير لما تم احتيارها قبل كدة من قبل محافظة الاسكندرية لتكريمها في العيد القومي للمحافظة.
وقتها اهل الاسكندرية عملوا حملة هجوم كبيرة على المحافظ على اعتبار ان اختيارها غير موفق وقالوا إن فيه غيرها كتير اهم وافضل لتكريمهم.
وقتها ذكروا الاسكندرانيين اسماء نادية الجندي ومحمود عبد العزيز ومي عز الدين وياسمين صبري وسمير صبري وغيرهم لان دول قدموا للمخافظة الكتير.
لكن هاجموا في نفس الوقت سمية الخشاب وناس كتير منهم قالوا “هي عملت إيه لبلدها علشان تتكرم” وكانت النتيجة.
هي تقديم استجواب برلماني ضد محافظ الاسكندرية بعد انتشار صورة سمية الخشاب لحظة استلام درع تكريمها من المحافظ.
سمية الخشاب مش احسن من القامات العلمية بالمحافظة
الواقعة دي عملت ازمة كبيرة لسمية الخشاب لأن النائب محمد سعد الصمودي ذكر اسماء قدمت للمحافظة الكتير ورفعت اسمها في المحافل الدولية زي بسنت حميدة ورنيم الوليلي ونور الشربيني”.
“الصمودي” كان قال إن الفنانة سمية الخشاب مقدمتش حاجة نافعة لاهل بلدها كبناء مستشفى خيري، أو تحقيق إنجاز كبير تستحق تكريمها وكان من الاولى تكريم القامات العلمية وأصحاب الرسالة.
هل هترجع للمطرب احمد سعد؟
سمية الخشاب اتجوزت اربع مرات الاولى من شاب اسكندراني قبل دخولها مجال الفن، وبعد فترة انفصلت عنه واتجوزت طيار.
عاشت مع الطيار فترة قالت انها من اسعد فترات حياتها وانفصلت عنه لترتبط برجل اعمال عربي عاشت معاه 6 شهور بس وكان جايبلها شقة في لندن.
وفي المرة الرابعة كانت اكتر زيجة عملت لها مشاكل لما اتعرفت على المطرب احمد سعد وعاشت معاه قصة حب انتهت بالجواز.
الخلافات وقعت بينهم وبادلوا بعض الاتهامات لحد ما طلعت وكشفت اعتدائه عليها بالضرب لتنفصل عنه بعد فقد طحالها.
الجديد بقى انها من كم يوم نشرت “سمية” فيديو جديد ليها وهي بترقص على أغنية «اليوم الحلو دا» بتاعة طلقيها أحمد سعد وده اللي خلى الناس تتوقع رجوعهم وبداية الصلح بينهم.
خلافها مع غادة عبد الرازق
سمية الخشاب كانت وقعت في خناقة مع الفنانة الجريئة “غادة عبدالرازق” بسبب دورهم في فيلم “حين ميسرة” والخلاف بينهم كبر اوي.
“سمية” كانوا سالوها عن خلافها مع “غادة” وقالت ان دورها في فيلم “حين ميسرة” مع غادة كان جريى وندمت عليه، ولو اتعرض عليها دلوقتي مش هتعمله، وده اللي زعل منها غادة عبد الرازق.
لكن بعدها اتقابلو وبقم حبايب وقالت إن في تواصل بينهم وان اللي حصل كان منافسة لكن هي زميلتها وبتحترمها.
