حالة من الجدل الواسع، أثارتها الفنانة مها أحمد الساعات الماضية، بعد نشرها مقطع فيديو جديد عبر حسابها على “تيك توك”.
و ظهرت مها في بث مباشر تتحدث فيه عن عملها على التيك توك قائلة: “هشتغل على التيك توك وعلي أي برنامج يجيب فلوس وأنا جبلة مش بيحوق فيا تنمر”.
“أنا جبلة”.. مها أحمد تفاجئ الجميع بفيديو صادم
وتابعت: “انا مش هينفع اتعالج على نفقة الدولة مع إني فنانة مصرية وده حقي لكن لو اتعالجت على نفقة الدولة هتتنمروا عليا وتقولوا بتاخد دواء الغلابة، انا عايزة اسافر اشتغل بره عند شيخة تشوفني وتكتشفني وتشغلني عندها، علشان انتم متنمرين انا هتفسح واتدلع واكيدكم”.
وأضافت:”أنا ربنا ميزني.. الناس كلها بتسعى إنها تدخل الجنة وأنا ضامنة جنة.. أنا مهما أعمل ضامنة جنة.. وهروح كدا وابني اللي انتوا بتقولوا عليه مريض هيبقى واقف كدا.. إنما إنتي ياللي بتتنمري ممكن عقاب ربنا يبقى كبير عليكي وتصحي مرة واحدة تلاقي ولادك كلهم عندهم ضمور في المخ”.
@mahaahmedofficial برج السرطان#mahaahme #foryou #الكويت #قطر #البحرين #الامارات_العربية_المتحده🇦🇪 #العراق #ليبيا #السعوديه #الشعب_الصيني_ماله_حل😂😂 #الشعب المصرى- الوطن العربى#♥️🦀♥️
وفي وقت سابق، انفعلت مها أحمد على متابعيها خلال لايف على موقع الفيديوهات تيك توك، بعد سؤالها عن موقف زوجها الفنان مجدي كامل من ظهورها في لايفات على الأبلكيشن 24 ساعة، قائلة: هو حاببني كده وبيموت فيا كده، ويا سلام بقى لو أنا زعلت وروحت اشتكيت بيجبلي هدايا في ساعتها، وبيروح يشتري ليا برفانات عشان عارف إني بحبها.
وأضافت مها أحمد: أنا مش بضايق من كل اللي بيضايقني بكلامه في اللايف.. عارفين ليه علشان بستفيد من هجومكم وبيجيلي فلوس أكتر وداعمين، ومجدي بيقعد يقولى إلا زعلك يا مها مع إني مش بعيط عشان بستخسر الدموع بصراحة، عايزاكم تفضلوا تضايقوني كل شوية وتسألوني عن مجدي كامل.
وكانت آخر أعمال مها أحمد مشاركتها في مسلسل بيت الشدة الذي عرض عام 2022، من إخراج وسام المدني، وتأليف ناجي عبد الله، وشارك فيه وفاء عامر وأحمد وفيق وإيهاب فهمي ومحسن منصور وغيرهم من الفنانين.
اقرأ ايضا:
