حالة من الجدل الواسع، أثارها الإعلامي شريف مدكور، الساعات الماضية، بعد حديثه عن عذاب القبر، مما عرضه لهجوم كبير من الجمهور.
وبعد الهجوم عليه خرج «مدكور»، للرد عبر حسابه الرسمي بموقع التواصل الاجتماعي «فيسبوك»: «أنا اتكلم في الدين براحتي واقول اللي أنا عاوزه مادام مش باكفر حد والحاجة الوحيدة اللي مش من حق مخلوق يقول لي متتكلمش فيها هي ديني».
«أنا مش خروف».. أول تعليق من شريف مدكور بعد الهجوم عليه
وأضاف: «علي الاقل أنا بابحث وباجتهد علشان أزود إيماني ويقيني أنا مش خروف هامشي ورا كلام حد وكل واحد يلم نفسه على الأقل أنا مش باتاجر ولاباعمل سبوبة من ديني وربنا عارف نيتي وهو اللي بيحاسب في الآخر».
تابع: « ورجاء محدش يدخل على الخاص ويكتب لي أن الدين ده دراسة وعلم خلي كل واحد في نفسه ارجوكم والناس اللي عماله تضحك على الكلام وحاطه دي، انتم عيال قوي علشان مفيش في الكلام حاجه تضحك».
وشارك شريف مدكور متابعيه عبر موقع التواصل الاجتماعي «فيسبوك» بمنشور تحدث فيه عذاب القبر ونعيمه «ناكرًا» وجود أي أحداث من العذاب أو النعيم داخل القبر بعد موت الإنسان، حيث استشهد بذلك من خلال تفسيره للآية القرآنية «كل نفس ذائقة الموت وإنما توفون أجوركم يوم القيامة»، مشيرا إلى أن الآية لم تذكر أي عذاب أو نعيم في القبر.
اقرأ ايضا:
