حالة من الجدل الواسع، أثارها الفنان محمد صبحي، الساعات الماضية، بعد تصريحات تليفزيونية له ، ظهر فيها وهو يبكي.
وقال محمد صبحي:«أنا حزين ولا أتسول، أنا بشتغل وبكسب.. بشتغل لوحدي وحاسس إني في سجن كبير وللأسف أنا مظلوم إني مسجون في زنزانة انفرادي».
محمد صبحي ينهار من البكاء على الهواء
وأضاف: «أنا طلبت حد معني من الجمهور أو الدولة يضع قائمة بكل عباقرة مصر من أول القرن الماضي حتى اليوم»، معقبا: «والله العظيم هنتكسف».
وتابع: «مش لازم القنوات تجري على التريندات والتفاهات أنا مهموم بالثقافة والفن على أنها معول ممكن أن يبني أو يهدم».
وأكمل: “ياما طالبت الدولة والحكومة والرئيس كمصري مش كفنان لازم يبقى فيه وزير إعلام له سياسة إعلامية إحنا مش هيئات حتى هيئة المسرح من أيام عبد الناصر فيه وزير ثقافة له خريطة ثقافية
وأوضح:”الدولة بلاش تصرف علي مسلسلات وأعمال دليفري الفن زي كنتاكي ويتم إذاعته ومسرحية تتعمل في أسبوع واقلب وبكده نفقد ريادة مصر والشعب المصري”.
واختتم: “كده مينفعش اللى بيحصل لأن كده انتوا بتقتلوا الثقافة والفن والفكر، الفن قائم علي مفكرين وكل الأدباء والعظماء اللى كتبوا في الأدب استعانت بهم الدراما التليفزيونية والتليفزيون أنشئ سنة 1960 وكان فيه فطاحل بتتقدم”.
وأكمل: “انا مستعد اكتب الأسماء اللى تدمر الفن وبيجروا وراء الدولارات، اللى بيحصل ده كارثة كبيرة علي ريادتنا وقوتنا وتصب في مصلحة عدونا”.
ولمشاهدة الفيديو كامل من هنــا
اقرأ ايضا:
