فنان موهوب له كاريزما على الشاشةـ تميز بأدواره خلال الفترة الماضية مثل دوره في مسلسل الاختيار الذي كان سبب كبير في شهرته، وأيضا زواجه من النجمة ياسمين عبد العزيز تسبب في ضجة كبيرة.
بنتكلم عن النجم الكبير “احمد العوضي” اللي شغل اهتمامات الجمهور خلال الساعات اللي فاتت بصورة الصقر الجارح اللي واقف على كتفه.
“العوضي” بيستعد لموسم رمضان من خلال مسلسل “ضرب نار” اللي بيظهر فيه بدور “صنايعي كاوتش”، ومن خلاله بيمارس بعض الفنون القتابية باستخدام “صقر” من الحجم الكبير.
الصعايدة ينتهي نسبهم لرسول الله
احمد العوضي ليه ازمات كتيرة في حياته ودخل في صدام مع الجمهور خلال الايام اللي فاتت بعما روج لمسلسلة باستخدام اسم النبي محمد صلى الله عليه وعلى اله وسلم.
المتابعين على السوشيال ميديا اتفاجئوا بالعوضي كاتب على صفحته “صعايدة يا رسول الله” للترويج لمسلسلة واتهاجم كتير من المتلبعين بسبب عبارته دي.
ولما زاد الهجوم عليه العوضي وضح اللي يفصده وقال إن جملة «صعايدة يا رسول الله»، اللي استخدمها للترويج لمسلسله الجديد “ضرب نار”، واللي بيجمعه بمراته الفنانة ياسمين عبد العزيز وقال انه كان بيتكلم بجد.
العوضي قال إن في ناس كتير مش عارفة معنى الجملة.. دي أنشودة صعيدي يا رسول الله صعايدة وبنخاف الله.. والسبب الرئيسي إن الصعايدة من نسب الرسول، وقرايب الرسول صلي الله عليه وسلم
مش كدة وبس ده “احمد العوضي” اكد على إن سيدنا عبابدة الزبير ابن العوام ابن عم الرسول.. والجعافرة نسبة لجعفر الطيار المعروف بذي الجناحين بن أبي طالب بن عبد المطلب بن هاشم بن عبد مناف بن قصي.
العوضي زاد على ده وقال إن هو من “نسل الأشراف” اللي هما ذرية الإمامين الحسن والحسين احفاد النبي صلى الله عليه وسلم بعني الصعايدة بينتهي نسبهم عن الرسول الكريم.
قفل السكة في وش محمد رمضان
“احمد العوضي” ليه سر كبير اوي بيه وبين الفنان محمد رمضان محدش يعرفه كتير من الجمهور.تفاصيله ان في خنافه حصلت بينهم خلال الفترة اللي فاتت، والقصة دي سربها واحد صحفي قال إن الاتنين اتخانقوا مع بعض في مكالمة تليفونية حصلت بينهم، بعدما سرب كل واحد فيهم فيلم العيد بتاعه.
كان نشر محمد رمضان بوستر فيلم “نمبر وان” اللي بيعتمد فيه على الفنون القتالية، في نفس الوقت اللي بيستعد فيه احمد العوضي لتصوير فيلمه ” البلدوزر” وبرضه فيه فنون قتالية.
المهم واحد فيهم اتصل بالتاني علشان يقنعوا بعض بتاجيل عرض الفيلم علشان ميحرقوش بعض، لكن كل واحد اتمسك برايه ومحدش وافق ياجل عرض فيلمه.
فقفل “احمد العوضي” السكة في وش “محمد رمضان” على اعتبار ان الاتنين معتمدين على فنون القتال MMA اللي هي اختصار لكلمة “Mexed Martil Arts ” ودي معناها الفنون القتالية المختلطة.
ويعتبر فيلم البلدوزر اللي هيعمله “احمد العوضي” اول فيلم عربي يعتمد على الفنون القتالية MMA ومن المقرر إن النجم العالمي “روبرت دي نيرو” يشارك فيه مع المخرج طارق العريان.
من وقتها والاتنين مقاطعين بعض والمنافسة بينهم كبيرة، والاتنين نزلوا بوستر اعمالهم الرمضانية في وقت واحد.
كمان “أحمد” في البرومو التشويقي لمسلسل “ضرب نار” اللي هيظهر فيه بدور جابر الكوماندا.. ظهر بصورة وهو راكب دراجة بخارية ومعاه صقر جارح قال عنه: “كل واحد شبه اللي بيصاحبه، وهو اختار الصقر صاحبه.. جابر الكوماندا”.
طيب ازاي العوضي درب الصقر ده رغم انه من الطيور الجارحة؟.. في قصة اتنشرت بتقول أنه طائر شرس وترويضه مش سهل لأنه من الطيور النهارية الجارحة، وبتتميز بأجنحتها الطويلة المدببة ده غير سرعتها في الطيران وقوّتها.
طريقة تدريب العوضي للصقر غريبة
بخصوص الخطوات اللي اتبعها الفنان أحمد العوضي لترويض الصقر في مسلبسل “ضرب نار”، قام بوضع قطعة لحم في إيد المدرب وهو لابس قفاز
وقام المدرب باصدار صوت كإشارة للطائر وبعدها امره يقف على إيده وهو لابس القفاز علشان ياكل قطعة اللحم
بالشكل ده استمر لمدة يومين كل مرة لمدة 30 دقيقة لحد ما اتعود الصقر على احمد العوضي بعدها دربه على المراوغة باستخدام حبل طويل ميقلش عن 30 متر وفي كل مرة يكون مجهزله قطعة اللخم.
ودي الطريقة السليمة اللي درب بيها “العوضي” الصقر ويفضل معاه طوّال فترة المسلسل، بمساعدة مدرب الصقر مصطفي نبوي الشهير بـ”نبوي مصر”.
