حلت الفنانة والمصممة غادة والي، مساء أمس ضيفة برنامج “الحكاية” الذي يقدمه الإعلامي عمرو أديب عبر شاشة قناة أم بي سي مصر.
وخلال الحلقة قال عمرو أديب، لـ غادة والي: الناس بتقول أنك شبه الفنانة هنا الزاهد قوي”، لترد عليه قائلة: “هي اللي شبهي مش أنا اللي شبهها.
قالت غادة والي مصممة الجرافيك: “المبلغ اللي أخدناه من تصميم اللوحة الجدارية لمحطة كلية البنات بمترو الأنفاق 77.042 جنيه.. مش ملايين زي ما بيقولوا، اللوحة الجدارية تمت إزالتها، بس فيه جداريات تانية في المترو في العباسية وهوليوبوليس والأوبرا ومحطات تانية لسة موجودة، والشركة الفرنسية هي اللي طلبت مننا نطلع الفراعنة سود؛ علشان لون السيراميك بس مكنش في مخنا إن الفراعنة سود ولا الموضوع ده خالص”.
وأكدت في تصريحات تليفزيونية: “استعنا في عمل جدارية محطة كلية البنات بالرسومات اللي موجودة في معبد فيلة ومقبرة الملكة نفرتاري ونب آمون بالأقصر، أما الفنان الروسي مخدش زي اللي إحنا خدناه”.
وأضافت: “أنا مش فنانة تشكيلية مش ببيع لوحات في معرض، ولكني مصممة جرافيك بعمل شغل بيزنس بناءً على طلب العميل”.
وأكدت: “لو انا أخدت واقتبست من الفنان الروسي يبقى إحنا الاتنين واخدين من بيكاسو؛ لأن التكعيبة اللى عنده واللى احنا ماشيين بيها من بيكاسو، بالإضافة إلى أن الفنان الروسي قال إنه واخد من رسومات رومانية، إنما أنا واخدة معبد هابو بالأقصر”.
اقرأ أيضًا: لميس الحديدي تلقن محمد رمضان درسًا قاسيًا.. والسبب صادم
