مواقف محرجة كثيرة جمعت الفنانين بعدد من الإعلاميين، والغريب أن هذه المواقف كانت أمام الكاميرا، فتعرض أصحابها لإحراج شديد، والمفاجأة أن الفنان عادل إمام كان له النصيب الأكبر في إحراج المذيعيعن، تابعونا من خلال هذا التقرير سنتكشف أبرز تلك المواقف:
عادل إمام له مواقف محرجة للاعلاميين قدام الكاميرا بإجاباته الغريبة، في منها مواقف طريفة وبعضها محرج بشكل كبير، في شركة إنتاج سينمائي نشرت فيديو عن المواقف المحرجة للمذيعين
لما حاولوا ياخدوا تصريحات من بعض النجوم الكبار، ومنهم عادل إمام اللي طلبوا منه إلقاء كلمة للجماهير على الهواء، وفي الفيديو ده الزعيم تجاهل بعض الإعلاميين ورفض يديهم أي تصريحات.
وفي مرة تانية فاجأ فيه مذيعات بتصرفات غير متوقعة، لما رد على أسئلة بإجابات بعيدة خالص عن موضوع السؤال، ودي طريقة الزعيم للتعبير عن رفضه للأسئلة.
وفي مهرجان الجونة السينمائي اتسبب الزعيم في سقوط وراق الأسئلة من مذيع حاول ياخد منه تصريح، لكن الغريب إن عادل إمام رفض حتى يسلم عليه،ومذيعة حاولت تاخد تصريح منه في واجب عزاء تجاهلها وأحرجها
لكن الموقف الطريف كان للزعيم مع عمرو اديب، عمرو سأله عن الحب فعادل إمام جاوبه بالسؤال عن مراته الإعلامية لميس الحديدي.
ومن اسرار الزمن الجميل الموقف اللي جمع الفنان “فؤاد المهندس” بالإعلامي مفيد فوزي، وقتها كان المهندس طالع على خشبة المسرح، ووقف وراه مفيد فوزي ومعاه الكاميرا.
مفيد لما كان بيصور جوة المسرح كان بيقول مع نفسه كلام فؤاد المهندس مسمعهوش، فحط إيده على كتف فؤاد المهندس وسأله عن مشاعره قبل ميطلع المسرح، فانفجر فيه فؤاد المهندس بشكل غاضب وقاله مش وقته يا أستاذ مفيد، مش وقته خالص.
بعدها طلع على المسرح ولما خلص حاول يصالح مفيد فوزي فاعتذر له، وقاله انت مديت إيدك وهزيت نفسيتي في لحظة مينفعش تعمل فيها كدة، وقاله انت كلمتني وانا مشغول مع جمهور سبتاوي بييجي كل سبت علشان يفرفش، فقبل مفيد اعتذار الفنان الكبير، وعدى بسلام.
ومن ضمن المواقف المحرجة للفنانين مع الاعلاميين، الموقف اللي جمع الفنان أشرف عبد الباقي بمذيعة حاولت تاخد منه تصربح في العزاء، وقتها اتفعل عليها أشرف وقال مينفعش عيب، وطلب من الاعلاميين يحترموا لحظة الجنازة.
وكان رد فعله غريب أحرج المذيعة بين زمايلها وده اتسجل صوت وصورة، برضه الفنان عمرو عبد الجليل من ضمن الفنانين اللي أحرجوا الإعلاميين، في مرة كان في ندوة تكريم بنادي الصيد بخصوص مسلسل الضاحك الباكي.
فصحفي حاول ياخد منه تصريح عن الشخصية اللي بيقدمها، فكل الحاضرين اتفاجئوا بعمرو ينفعل على الصحفي، وقاله عاوز اقدم شخصيتك، إنت بلط ورخم ودي الإهانة اللي اعترض عليها كل الحاضرين، لان الموقف مكانش يستدعي إهانة الفنان للصحفي قدام زمايله بالشكل ده.
أما الممثل احمد خالد صالح فكان في مهرجان فني، وواحد من الإعلاميين سأله عن أهم حاجة مش بتعجبه في مراته الفنانة هنادي مهنا، فانفعل احمد عليه وقاله انت مالك انت، دي حاجة لا تخصك ولا تخص حد ولا الجمهور، انت مالك أسوا ولا أحسن دي حاجة في بيتي وتخصني انا، وكان الموقف غريب عمل رد فعل غير عادي، بعدها اتعرض احمد خالد صالح لانتقادات كبيرة اضطرته يعتذر للمذيع.
