حالة من الجدل الواسع، شهدتها مواقع التواصل الاجتماعي، الساعات الماضية، بعد تمكين ريم طارق، زوجة مطرب المهرجانات حسن شاكوش، من منزل الزوجية، وأنباء تحفظ الجهات المعنية على المطرب، بسبب تعديه على زوجته، خلال تنفيذ قرار جهات التحقيق بتمكينها من مسكنها بأحد الكمبوندات الخاصة.
من جانبه، فاجأ مطرب المهرجانات حسن شاكوش، جمهوره ومتابعيه بفيديو عبر حسابه بموقع التواصل الاجتماعي فيس بوك.
أول تعليق من حسن شاكوش بعد أنباء القبض عليه
وظهر شاكوش من داخل منزله، وقال: “مش هطول عليكم من قلب البيت عندي، وأنا عندي في البيت أهو موجود وأهلي وأمي وإخواتي منورني مشرفني، مش بيجوا لي كتير ولما بيجوا بالنسبة لي بيكون يوم عيد”.
وتابع: “حبيت بس أطمنكم إن مفيش أي حاجة واحنا لسه جامدين ومفيش إلا احنا، وعلشان عندي حفلة بالليل مستني كل حبايبي اللي جايين لي في المعادي”.
وأضاف: “الحمد لله الواحد ولا بيئته ولا تربيته ولا إمكانياته أنه يبهدل بنات الناس أو يجرحهم بأي كلمة وحشة لأنكم عارفين الست والبنت لو بصيت لها بصة وحشة توجعها ولا تربيتي ولا بيئتي ولا عيشتي ولا أهلي ربوني على كده”.
وأضاف شاكوش: “اللي بيكبر ويخلي الواحد له قيمة ربنا وإحنا لما نتزنق بنقول يا رب مش يا عبد، وأنا موجود في بيتي وأهلي منورني ومشرفني ومش هينفع أتكلم كتير ومش هينفع أتكلم كتير علشان الجامع جنب بيتي وبعد كلام ربنا مفيش كلام”.
واختتم: “مبسوط إني اتكلمت معاكم وفيه شغل مع عمر كمال وفيه غنوة هتنزل اسمها دي حلوة، واللي عاوز يفهم يفهم واللي بيفهم بيريح لأن الواحد لا تربيته ولا أسلوبه يهين بنات الناس ومش هتكلم أكتر من كده والدنيا كلها شايفة كل حاجة والظالم وابن الحرام ربنا ينتقم منه في ميدان عام.”
