حلت الفنانة نهى العمروسي، ضيفة برنامج “Vip” الذي تقدمه الإعلامية أميرة بدر عبر شاشة قناة هي.
وقالت نهى، خلال اللقاء: “كنت بحب ابن الجيران وكان عندي 3 سنين وصاحبتي كانت بتحبه لأنه كان أمور، وأنا متربية على الحب، وحب الطفولة ده حاجة جميلة”.
وتابعت: “أنا متحررة ولست منحرفة، موصلتش في حياتي لـ أني أقول بحب الشخص ده فأروح أعيش معاه، ولكن كنت متصالحة مع الجانب الذكوري بتاعي، أنا عندي صحاب ولاد كتير من وأنا صغيرة ومببقاش مرتاحة لما أحس أن حد بيرسم عليا”.
وأضافت: “أنا اتعقدت من الرجالة والعلاقات مكنتش موفقة فيها، وأنا اللي أنا فيه حاليًا راحة بالنسبة لي، اختياراتي كانت زي الزفت، ومبقتش اثق في اختياراتي، وكنت تافهة وبحب الرجالة اللي شكلهم حلو، طلعت زكريا قالي خدتي ايه من الرجالة الحلوة بيعيطوكي”.
وأوضحت: “أتربيت في بيت عيلة بيت مفتوح، أنا قضيت طفولة سعيدة جدًا ، كنت محظوظة بأني من عيلة عندها وعي ومثقفة وبتشرع قوانين وكنت بسمع مناقشات وأنا صغيرة في السياسة والقوانين، وعندي فيها كل الفئات شيوعيين، ومتدينين أوي، وكل الأفكار كانت بتتقال حوليا”.
