تعرضت الفنانة أيتن عامر بعد استضافتها بإحدى حلقات برنامج “معكم”، والذي تقدمه الإعلامية منى الشاذلي على قناة CBC، لانتقادات حادة من قبل بعض الناس.
وتحدثت أيتن عامر خلال الحلقة عن الحمية الغذائية التي اتبعتها لإنقاص وزنها الذي زاد كثير بسبب حملها وإنجابها لطفلها الثاني “يوسف”، وهو ما عرضها لانتقادات عدد كبير من النشطاء، والذي اعتبروا أن هناك مواضيع أهم كثيرا من زيادة وزنها.
وردت أيتن على هذه الانتقادات، بقولها: “أيوة فى مشاكل أهم وأعمق من المشكلة بتاعتي اللي تناولتها النهاردة الإعلامية منى الشاذلي ولكن خلينا نشوفها بشكل تاني، ليه منقولش إن تجربتي دي ممكن تبقى حافز لناس كتير نفسها تخس وظروفها المعنوية أو المادية مش مساعداها خصوصًا إن دكتور أحمد عمر وافق إنه ينزل الأنظمة الغذائية كاملة دون أى مقابل”.
وأضافت: “ليه منقولش إن دي تجربة فعلية تخلي الناس اللي بيتضحك عليها باسم عمليات التكميم وتحويل المسار وبيبقى عندهم استعداد يبيعوا دهبهم ويعملوا جمعيات عشان يعملوا العملية مع إنه من الممكن منضرش صحتنا ونخش غرف عمليات ونعمل دايت وتخس ومنتكلفش كل الفلوس دي”.
وأنهت حديثها، بقولها “ليه الحلقة دي متكونش بتهون على كل واحدة لسه مخلفة ووزنها زايد وعندها اكتئاب وبتوريها إنها مش لوحدها اللي بيحصلها كدة وإنى كممثلة لا أتميز عنها بشيء سوى الإرادة وأشجعها تبدأ معايا، بلاش هجوم بلا داعي، أنا مش هقدر أحل مشاكل الكون ولا مشكلة الغلاء; لكن ممكن أكون مصدر إلهام لبنات كتير وأساعدهم على الوصول لحلم صغير لأن هو ده اللى هقدر عليه”.
