من أول يوم ظهرت فيه وعرفها الناس وهي غريبة، فنانة لا تتكرر كثير، تقدم الإغراء بكل صوره وأشكاله، وليس لديها مشكلة تطلع على الشاشة بدون ملابس طالما في سياق الدراما أنها دعاء حجازي بطلة فيلم رسايل البحر؟تابعونا من خلال التقرير سنكشف الاسرار.
قليل قوي لما تلاقي فنانة بتستجيب لكل طلبات المخرجين.. معندهاش حدود ومعايير معينة في التمثيل.. لإنه “بضحكة ساخرة” كلنا عارفين في الآخر إنه مجرد تمثيل يعني مش حقيقة.. بس النجمات بيخافوا على شكلهم .. قدام الناس والعيلة وكده يعني.
عشان كده لما بيلاقوا واحدة زي دعاء حجازي ما بيصدقوا.. وحتى لما بتختفي عن الساحة شوية.. بيدوروا عليها ويجيبوها ولو في مشهد..وده اللي بيحصل معاها فعلا من سنة 2000.. من ساعة أول دور ليها في فيلم سوق المتعة
دعاء حجازي اللي ظهرت في مشهدين في فيلم رسايل البحر وقلبت الدنيا بيهم.. سواء لما قلعت هدومها كلها قدام الكاميرا عادي.. أو لما ظهرت في مشهد مع بنت ودي حاجة مش بتكرر كتير في السينما المصرية.. وكانت مصدر الجرأة في الفيلم أصلا.
طب هي مين أصلا ولا ايه حكايتها؟.. هقولكم.. دعاء حجازي ممثلة من الشرقية.. اتخرجت في كلية الفنون الجميلة قسم التصوير الزيتي.. بس رغم كده هي بتحب الرقص جدا.. وخصوصا الرقص الشرقي.. وكانت من زمان عاوزه تبقى رقاصة محترفة
وفعلا بقت بترقص في فنادق سياحية وملاهي ليلية راقية شوية.. واتعرفت على منتجين من خلال الأماكن دي.. وبقوا دايما فاكرينها.. وشاركت في كل الأفلام المثيرة للجدل في السينما.. من الساحر للرغبة لـ فيلم هندي.. حتى فيلم الأطفال البريء اللي بيضحك “الدادي دودي”.. طلعت فيه بدور فتاة ليل.. بس حظها جه في الأطفال المرة دي.
من بعد رسائل البحر.. اختفت دعاء حجازي فترة طويلة.. ورجعت تاني بمسلسل “حارة اليهود” بس محدش خد باله منها أوي.. لغاية ما مثلت في مسلسل “سابع جار”.. فاكرين جيلان اللي كانت متجوزة هاني عادل؟.. أيوه هي دي.. كانت طالعة طول المشاهد تتخانق معاه وتحب فيه..وكان ميكس غريب على المسلسل كده.
بس بعد سابع جار اختفت تاني برضه.. والناس فاكرة إنها كومبارس يعني بتيجي مشاهد كده ومعندهاش حاجة تانية تعملها.. بس الحقيقة إنها مش بتمثل عشان مشغولة.. بترقص في المناسبات والأفراح.. وهتلاقيها في كل حفلات زفاف المشاهير.
دعاء مش رافضة التمثيل دي ما بتصدق أصلا يتعرض عليها دور.. بس هي مش بتليق غير في أدوار معينة.. ودي كل فين وفين على ما نلاقي مخرج بيطلع بره الصندوق ويقرر يعلمها.. الجرأة حلوة مفيش كلام.. بس بتجيب لصاحبها الكلام.
