تصدرت الفنانة منى زكي، مؤشرات التريند في مصر، الساعات الماضية، وذلك عقب عرض الحلقة الأولى من مسلسلها الرمضاني “تحت الوصاية” على قناتى DMC وDMC دراما.
فيما كشف أحد رواد السوشيال ميديا عن وجود بعض الأخطاء في الحلقة الأولى من مسلسل تحت الوصاية.
«إزاي فاتتهم؟».. أخطاء كارثية في الحلقة الأولى من مسلسل تحت الوصاية
وقال نور الدين أسعد: “أخطاء كارثية بالجملة في الحلقة الأولى من مسلسل تحت الوصاية، مركب خرجت من اسكندرية دخلت دمياط ومحدش عارف راحت فين دا لو لابسة طاقية الاخفا كانت هتتكشف”.
وتابع: “ثانياً لما مركب تتسرق دا لو فرضنا أنه حصل مش بنبلغ في الشرطة احنا بنبلغ في السواحل الأول”.
وأضاف: “ثالثاً تدخل ورشة المراكب تدور على صنايعية يدهنوا المركب فلما يوافقوا يطلع المركب ع البر و يبدأ يتدهن كل ده والنهار مطلعش عليهم دا تطليع المركب ع البر لواحدة بياخد نص يوم ونص اليوم التاني بيتغسل عشان الماية المالحة”.
وأكمل: “رابعاً وده الأهم بحرية المركب اللى سلموه لمنى زكى هما ممضوش خروج ازاى من إسكندرية وممضوش دخول دمياط ازاى، خامساً مينفعش شيخ الصيادين يكون شاب ف الأربعينات”.
