كشف عمر، نجل الفنانة أنغام، اخر تطورات حالتها الصحية، بعد تعرضها لأزمة صحية شديدة الأيام الماضية.
وقال: “حالتها مستقرة ولكن لم تتعافى بشكل كامل لكن هناك تقدم وتحسن وحركتها لازالت خفيفة جدًا”.
ابن أنغام يكشف تطورات جديدة عن حالتها الصحية
وأضاف، أنها لازالت لا تتناول الطعام وتعتمد على التغذية عبر المحاليل وخلال ساعات سيتم تقييم الحالة وإذا كانت الحالة متحسنة فسوف تبدأ تناول جرعات من الطعام والمياه بداية من الغد.
وأشار إلى أن والدته صبورة وتتحمل الألم بطبعها حتى أخر لحظة.
وفي وقت سابق، كشف أستاذ الجراحة بطب قصر العيني الطبيب وائل غفير المعالج للمطربة أنغام، تفاصيل جديدة عن حالتها الصحية، وذلك خلال مداخلة هاتفية في برنامج “الحكاية” الذي يقدمه الإعلامي عمرو أديب.
وقال الدكتور وائل: نطمن جدا الحمد لله، الأمور بتتحسن كل يوم، النهاردة أحسن بكتير قوي من إمبارح وأول إمبارح، إحنا ماشيين في العلاج التحفظي، قدامنا يوم أو بالكتير اتنين، والأمور ترجع طبيعي إن شاء الله”.
وتابع: هي كانت عاملة عملية أمراض نسا، وبعدين حصل التصاقات في الأمعاء مع مكان العملية، ودي حاجة بتحصل مع كل العمليات الجراحية اللي في البطن، الالتصاقات دي بتؤدي لانسداد معوي، بنعالجها علاج تحفظي، وهتفك، الأغلبية بتفك أكتر من 85% بيفك بالعلاج التحفظي، اللي هو تركيب الخرطوم من المناخير لغاية جوا المعدة، ومحاليل والدنيا بتفك، فيه طبعا نسبة صغيرة مش بتفك وبتستدعي تدخل جراحي تاني وإحنا مش بنفضله، على أساس إن العملية التانية برضه هي عملية، فممكن برضه تؤدي لالتصاقات فبنحاول على قد ما نقدر منعملش عمليات، وماشية الأمور بتتحسن”.
