حياة اي فنان عبارة عن محطات، من بداية ظهوره، لنجوميته، وحتى اعتزاله، لكن يوجد بعض الفنانيين لم يتخذوا قرار الاعتزال وأجبروا عليه لأسباب كثيرة، وسوف نتحدث عن هؤلاء النجوم من خلال التقرير التالي:
كل فنان بيجي عليه فترة انه عاوز يعتزل .. و يبعد عن الاضواء و الشهرة، ممكن انه بيمر بحالة نفسية مش كويسة، ممكن علشان يلفت نظر الناس ليه، بيبقى القرار ده مش حقيقي، لان بنلاقي انهم رجعوا تاني.
بس في فنانين الاعتزال اتفرض عليهم ، و مكانوش فاكرين انهم هيبطلوا التمثيل الا بعد رحيلهم، بس بتلاقيهم اعتزلوا ، و ده بسبب المرض.
زي مثلا الفنان الكبير يوسف فوزي، و اللي اعلن اعتزاله بسبب اصابته بمرض الشلل الرعاش ،و ده اثر على طريقة كلامه وطبعا الحركةو اللي بعد مشاركته في مسلسل ولي العهد، قرر انه يعتزل و يبعد.
و ده لانه وقت تصوير المسلسل كانوا بيعيدوا مشاهد كتير بسبب ايده واما اتسأل الفنان يوسف فوزي عن حياته بعد الاعتزال قال انه كده احسن بكتير ، لانه مفضي نفسه لابنه عمر لانه مصاب بنوع من انواع التوحد و بيرفض يظهر في اي برنامج من باب الاستعطاف .
في كمان الفنان الكبير العمدة صلاح السعدني .. واللي ابتعد تماما عن الساحة الفنية ده حتى مش بيظهر في اي صورة .. لدرجة ان الناس شكت انه حصله حاجة .. و ده اللي خلى ابنه احمد السعدني يرد ويقول ان النجم صلاح السعدني كويس، بس هو ابتعد و اعتزل بسبب امراض الشيخوخة بس.
اما الفنان لطفي لبيب اعتزل الفن بشكل مؤقت لحد دلوقتي وده لانه اتصال بجلطة في ابنه اثرت على الحركة و طريقة الكلام و القدرة على التمثيل عموما .
نروح دلوقتي للفنان شريف دسوقي واللي نجمه لمع جدا في مسلسل (( ب ١٠٠ وش)).لكن بعدها بفترة بسيطة اتصاب في رجله و هو بيصور احد افلامه، لكن الاصابة ديه هي اللي اتسببت في بتر رجله، ومع ذلك بعد اللي حصل معاه شارك في اعمال بس باداور بسيطة و ثانوية.
في كمان من الفنانين اللي فارقونا بس كانوا اعتزلوا الفن من قبلها زي الفنان جورج سيدهم و اللي بعد ما اتصاب بجلطات كتير واثرت عى حركته و تركيزه و طريقة كلامه، فقرر انه يبعد و مش هيشارك في اي عمل، و بعد لفترة ٢٠ سنة لحد ما رحل عننا .
ومن الفنانات اللي اجبرهم المرض على الاعتزال النجمة الاستعراضية شيريهان، و ديه عدت بازمات كتير، اولهم الحادثة اللي كانت مأثرة على حركتها في الاول، بس قدرت تخف منها ورجع و قدمت كذا عمل تاني،لكن فجاة اتصابت بسرطان الغدد اللعابية، و ده اثر عليها في كل حاجة من الحركة و الكلام و كانت تعبانة جدا منه، و قررت الاعتزال لانها مكانتش هتقدر تقدم اي شغل وهي بالحالة ديه.
و فضلت فترة طويلة بعيدة عن الاضواء و الساحة الفنية عموما، احد ما رجعت تظهر تاني في سنة ٢٠٢٠ من خلال مسرحية و اعلان، و بردو بعدها ابتعدت تاني، و مشاركتش في اي عمل فني من ساعتها.
