كانت مثل الغرقان الذي يتعلق في أي أمل من أجل النجاة، ورغم إنعدام الأمل ورغم ما مرت به فى الواقعة وبعدها إلا إنها كان لديها أمل أن يعود نور عينيها، ..ورغم إن نجاح العملية التي ستجريها لا يتعدى 5%.
البلوجر سارة قررت تعملها لعل وعسي ربنا يرجع لها بصرها تانى اللى فقدته فى الواقعة لكن ..لكن سارة طلعت من العملية فاقدة بصرها بشكل نهائى ،ومش شايفة صوابع إيديها ..ومش شايفة غير لون واحد ..اللون الإسود اللى هيفضل ملزملها طول حياتها لحد ما ربنا يأذن بمعجزة وتشوف تانى ..
إيه اللى حصل لسارة بعد العملية ،وليه العملية معملتهاش بعد الواقعة على طول هل كان هيبقى أفضل لها وكان ممكن تشوف تانى ؟هل حصل خطأ طبى أثناء العملية تفاصيل كتير عن حالة البلوجر سارة محمد وكواليس ما بعد الواقعة ..وياترى موقف خطيبها هيكون إيه!
سارة مرت بتجربة مؤلمة مش بسبب الواقعة اللى حصلت لها بس ولكن كمان موقف خطيبها وأهله معاها وتخليه عنها فى عز ما كانت محتاجاله ..سارة فى إبتلاء كبير ومكنتش قدامها حل غير إنها تدعى ربنا وتطلب من كل الناس تدعيلها..وحكاية خطيبها اللى سابها دى بعدين ،مش وقتها ،نظرها يرجع الأول وبعد كده يصفوا الحسابات وتقرر تكمل معاه لو لسه باقى عليها زى ما قال أو تصرف نظر عن الجوازة خالص .
لكن أملها الوحيد ضاع ..ومبقتش هتشوف تانى !
الساعات اللى فاتت حالة من الحزن حس بها كل جماهير السوشيال ميديا اللى بردوا كانوا داعمين لسارة طول الفترة اللى فاتت وبيدعولها ترجع تشوف من تانى ..لكن أملهم الوحيد ضاع!
وده لما نشرت سارة على حسابها الشخصى إنستجرام إستورى :سارة فقدت آخر أمل كانت متمسكة به للأسف النتيجة النهائية سارة فقدت بصرها اللهم لا نسألك رد القضاء ولكن نسألك اللطف فيه.
وكتب البلوجر عمر سنايبر صديق سارة على ستوري صفحته الرسمية بموقع فيس بوك: لا حول ولا قوة إلا بالله.. اللهم إني لا أسألك رد القضاء ولكني أسألك اللطف فيه، ربنا يصبرك يا سارة يا رب.. اللهم لا اعتراض.. سارة فقدت بصرها تمامًا.
عمر قال في تعليق على منشور تانى لما الجمهور حب يطمن أكتر : كل المعلومات اللي عرفتها أن الدكتور لما فتح يبص لقى العين من جوة متبهدلة خالص والشبكية شبه ساايحة.. طب في اي امل يا دكتور حتي لو هتسافر قالي لا!
ومن كام يوم كده عمر طلب من الناس تدعى لسارة علشان هتعمل عملية ولكن نسبة نجاحها 5 % بس، وكتب آسف إني مطمنتش أول ما استلمنا الآشعة للأسف الموضوع مكنش مطمن نهائي، ولسه مش مطمن خالص بصراحة، الدكتور قرر إنه هيعملها العملية ولكن نسبة نجاحها أقل من %5
الحقيقة إن سارة لما إتنقلت للمستشفى لإجراء الإسعافات الأولية لها بعد الواقعة،فضلت حوالى 3 أيام عندها نزيف على المخ وقئ مستمر ،وكان المفروض تدخل لإجراء عملية ولكن المستشفى تجنبت دخولها في العمليات بسبب تدهور حالتها وعلشان ميكونش فى مضاعفات تكون السبب فى رحيلها.علشان كده إتاجلك وعملتها الساعات اللى فاتت ومنها فقدت بصرها نهائى .
سارة فقدت عنيها فى لحظتها قبل وصولها للمستشفى وده بسبب دخول إزاز العربية والشظايا فى عنيها ،وحصلها تهتك فى شبكية وقرنية العين ده غير الجروح اللى فى راسها ووشها ..وبقى صعب إن سارة تشوف تانى وحالتها ميؤوس منها..
والدة سارة قالت إن الدكتور خلى والدها يمضي على إقرار بده.. بعدها الدكتور قال أنا دخلتها العمليات عامية وهتطلع عامية.. عين حصل لها تهتك في الشبكية والقرنية ومفيش فيها أي أمل.. والعين التانية فيها أمل بسيط.. ادعوا لها.
..ومضونا على ورق إن نسبة نجاح الحالة 20%.
جماهير السوشيال ميديا كانوا بيدعولها ولسه بيدعولها وبيطالبوا بجمع تبرعات لها وتسافر برة يمكن يكون ده الحل!وترجع سارة تشوف من تانى .
