كالعادة محمد رمضان بيظهر وعندما يظهر لابد ان تكون فيه مشكلة، لكن هذه المرة الهجوم عليه كان شرس ومن اغلب الناس بعد ما ظهر في فيديو وهو يضرب شاب بسيط أما الناس.
محمد رمضان اللي كان فرحان وهو بيهين الشاب الغلبان عمل حالة من الغضب الكبير ليه، لكن لماذا فعل ذلك، ماذا كان يقصد بإهانة ذلك الشاب؟ تفاصيل كثيرة سنتعرف عليهال من خلال التقرير التالي:
مفيش كلام على السوشيال ميديا إلا عن اللي عمله الفنان محمد رمضان واللي ظهر في فيديو جديد وهو بيهين شاب مصري وبيديله على قفاه في موقف مذل بيهين به الشاب الغلبان اللي كل ذنبه انه كان غلبان وبيشتغل كومبارس في مسلسله الجديد.
طيب هو إيه اللي حصل؟
البداية لما نشر الفنان محمد رمضان مقطع فيديو من مسلسل “العمدة”، اللي بيصوره في الوقت الحالي استعدادا لعرضه في شهر رمضان المبارك، وكتب تحت الفيديو: “جعفر العمدة بيصبح، وبيقول لكم رمضان يجمعنا والعمدة يدلعنا، وعلى رأي صاحب الحساب ثقة في الله نجاح”.
لكن الفيديو كان صادم لكتير من الناس لأنه ظهر ومحمد رمضان موقف شاب غلبان بسيط من ضهره وبيديله على قفاه والشاب واقف في صمت ومش قادر يتكلم ومحمد رمضان بيهين فيه وللأسف الشاب عشان غلبان وكومبارس مش قادر يتكلم.
الفيديو ده اللي أثار حالة من الجدل الكبير على السوشيال ميديا وسط غضب كبير من الناس من الفنان محمد رمضان وهو ظاهر وبيهين الشاب بالطريقة الغريبة دي وفرحان وبيعتبر أنها دعاية لمسلسله الجديد لكنه في الوقت نفسه بيستقوى على الشاب الغلبان اللي كل ذنبه أنه كومبارس ومش لاقي شغل غير الشغلانة دي.
لكن الفيديو في الوقت ده عمل حالة من الجدل الكبير.,. فظهرت ناس بتهاجم محمد رمضان بطريقة شرسة بسب الفيديو اللي كان بيدي الشاب بالقفا قدام كل الناس، وأنه إزاي ينزل حاجة زي كده يكون فرحان إنه بيهين شاب غلبان ومش حرام عليه ينزل حاجة زي كده.. كمان الناس قالت إن إزاي ينزل حاجة زي كده مفكرش في شكل الراجل قدام عيلته إيه وإنه بيتباهي أوي أنه بيهنه بالشكل ده.
ناس تانية شافت أن الفيديو ده والحركات اللي بيعملها محمد رمضان هتكون خطر كبير على المجتمع عشان هتخلي المراهقين والشباب يعملوا نفس الحركة في أصحابهم وبالتالي هيدوا أصحابهم بالقفا وهو اللي هيكون السبب في أن تحصل حوادث كتير وتؤدي إلى زيادة العنف والحد بين الناس في المجتمع في الوقت اللي بنحاول نفرض فيه الاحترام والقيم الكويسة بين الناس.. هيتحول الشاب إلى أنها تدي بعض بالقفا.
الغريب في الأمر أن بعض الأفراد كشفوا عن ان الكومبارس بتكون يوميته 200 جنيه وبعد كل الإهانة اللي بتحصل له زي كده بيكون كل اللي هياخده 200 جنيه في الوقت اللي محمد رمضان شغال بيهينه بياخد ملايين وده اللي أثار الغضب والهجوم بشكل كبير أكتر على محمد رمضا.
لكن في نفس الوقت ظهر رأي تاني أن الشاب عمل كده بإرادته سواء كان عشان الفلوس او أنه يظهر بدور كومبارس فدي حاجة هو رضى بيها وبالتالي محدش يقدر يلوم محمد رمضان على أنه بيعمل كده.. كمان ده تمثيل وكل حاجة تجوز فيه بخلاف الحقيقة.
شاركونا أنتم.. وقولنا رأيكم هل من حق محمد رمضان يهين الشاب الغلبان بالشكل ده ولا لاء؟
