يا ترى الفنان الشاب أحمد قنديل بطل مسلسل الاختيار 2 رحل عن دنيتنا بسبب حزنه على والدته من 7 شهور؟.. هذا هو السؤال الذي طرح نفسه بعد ما تم إعلان وفاة أحمد قنديل الذي مازال عمره 36 سنة و رحل في عزْ شبابه.
طيب هل أحمد قنديل دخل في حالة اكتئاب وكانت نفسيته مش كويسة بسبب حزنه على مامته؟.. هو كان عايش إزاي بعدها وإزاي اتعرف إنه كان حزين عليها؟ وهل الموضوع يوصل بيه إنه يعيش 7 شهور بس بعدها ويلحقها في قبرها هو كمان وإيه هي الوصية اللي قالها واتنفذت ولا لأ؟.. يلا بينا في الفيديو ده أقولكم الحكاية.
الناس كلها اتفاجئت إن الفنان الشاب أحمد قنديل بطل مسلسل الاختيار 2 واللي جسد شخصية الشهيد إسلام مشهور ودّع دنيتنا النهاردة الصبح وهو لسه في عزْ شبابه.. لكن خلاص بقى في مناعة من الموضوع ده بعد ما كذا حد رحل وهو صغير كده وبشكل مفاجئ كمان.. لكن الجمهور في مواقع التواصل عمال يقول إن البوستات بتاعته كانت صعبة وهو دخل في حالة اكتئاب ونفسيته كانت مش متظبطة وفي حاجة غلط حصلت لكن هو الحزن يعمل كل ده؟.
أسباب رحيله
الفنان الشاب كريم عبدالجواد أعلن النهاردة الصبح إن أحمد قنديل رحل عن دنيتنا وقال إن صديقه الغالي ودّع الدنيا وهتشيع جنازته من مسجد الحصري في أكتوبر وإن الدفنة هتكون في مقابر الحديدي العبور طريق بلبيس.
لكن الموضوع موقفش لحد هنا وإن الناس تتقبل خبر الرحيل وخلاص على كده لازم في أسباب الجمهور عاوز يعرفها عشان قنديل مشي وهو عنده 36 سنة بس أكيد هو مش تعبان ولا حاجة بس في مشكلة بيعاني منها قلة شغل مثلًا حاجة في حياته الخاصة وفعلًا اتعرف إنه كان عايش حزين على مامته اللي رحلت عن الدنيا في ديسمبر سنة 2022 يعني عاش بعدها 7 شهور.. لكن الغريبة بقى إن آخر بوست كتبه كان فيه تفسير لحياته اللي عايشها بعدها.
حزن أحمد قنديل
أحمد قنديل كتب من 5 أيام على حسابه في فيسبوك بيطلب من الجمهور الدعاء لمامته وغالبًا ده كان في يوم عرفة.. لكن لما الجمهور كان بيفتش في حسابه لقى إن معظم بوستاته مليانة حزن وزي ما يكون أحمد قنديل عايش حالة اكتئاب على رحل مامته والدليل إنه قال مش عارف يعيش إزاي بعدها وإن حياته مليانة خنقة وعصبية وتفكير كتير.. وعشان كده هو مش متقبل فكرة إنها رحلت ومش قادر يتجاوز فكرة إنها مش موجودة وعشان كده موده مكانش ألطف حاجة وده واضح إنه كان مرتبط بيها جدًا.
وصية أحمد قنديل
وقت تشييع جثمان أحمد قنديل كان الحزن مخيم على الجنازة وأبوه كان عمال يعيط ومش مصدق إن ابنه رحل وكان ماسك في النعش بتاعه ومش عاوز يسيبه.. وزي ما قال الكاتب الصحفي خالد فرج إن كان في وصية قالها أحمد قنديل لصحابه غنه لو رحل من الدنيا يتدفن جنب والدته وكمان قال إنه كان بيتمنى الرحيل وإنه يلحق بوالدته وده اللي حصل وكمان الوصية اتنفذت واتدفن جنب مامته.. وبالمناسبة رحيل أحمد قنديل كان سبب أزمة قلبية مفاجئة.. لكن الفنان أشرف زكي نقيب الممثلين قال إن الوفاة طبيعية.
دخوله التمثيل
الفنان أحمد قنديل اتعرف للجمهور لما شارك في مسلسل الاختيار 2 وعمل شخصية الشهيد إسلام مشهور.. لكن هو قبلها شارك في مسلسل الزيبق وكذا عمل لكنه اتعرف من الاختيار 2 ووقتها عمل مداخلة كده مع أم الشهيد إسلام مشهور وكان بيواسيها ويقولها متعيطيش ابنك ده بطل وهو حمامة وقدر إنه هو يكون سبب في إننا نعيش في أمان وهو يدافع عننا.. وقال كمان إنه لما شارك في المسلسل حياته اتغيرت وحسْ إن كان هيبقى في خطر على مصر وإسلام مشهور كان سبب في نجاة ناس كتير.
